茄汁豬扒 + 蒸節瓜粒 + 油麥菜 ( 11-MAR-2025 )

( 11-MAR-2025  TUE )

又係瞓到半夜熱醒咗   之後好難先瞓得番呀   咁 7 點聽到有音樂聲   原來里奧大人拎咗姑奶部手機   我奇怪點解會有音樂聲啦   嗰下真係有啲驚㗎   哈哈 ~

早餐仍然食煙肉芝士迷你酥 + 金文不芝士迷你酥   仍然覺得好味道呀 ~

菇場忙呀   所以時間過得好忙 ~

Lunch Time 蒸完飯就出去行   今日唔駛買嘢   可以輕輕鬆鬆咁行半個鐘喇 ~

唔忙繼續做自己嘢   希望快啲搞掂   順順利利啦 ~

喺日本買㗎   呢隻檸檬味就真係好酸喇

今日阿怪又發顛   咁小說行去比番張紙比阿怪   之後佢發顛   仲好大聲話成日都係咁   小說仍都好大聲話番佢   拎咗妳張紙咪即刻比番妳囉   阿怪話妳哋兩個都係咁   小說又好大聲話唔好拖埋人落水   阿怪話要再 Print 出嚟要錢㗎   公司要錢㗎   真係九唔搭八   講到咁愛公司就咪日日番 9 點 40 分啦 ~

之後阿輸問佢嘢   話 Billing Period 25/2 - 25/2 妳開 3 月票   但 25/3 - 25/4 又開 3 月票   之後問佢 1 月係開 1 月定 2 月   阿怪依依哦哦一大輪嘢都答唔出   仲話阿輸妳係想咁開就跟妳咁開   阿輸嘆咗一口氣話唔係我想點開   而係妳點解要咁開 ?!   妳睇番 1 月係點開啦   之後話佢成日開埋半年嘅票係唔可以囉   阿怪講極唔明仲發脾氣講得得得   真係好不知所謂   成日覺得人哋針對佢   永遠唔覺得自己錯   所以全公司啲人都好唔鍾意佢係有原因嘅 ~

放工即走   番到屋企即預備晚餐喇   里奧大人差唔多 6 點 45 分番到屋企   可以啱啱好開飯 ~

是日晚餐 - 茄汁豬扒 + 蒸節瓜粒 + 油麥菜

茄汁豬扒 - 里奧大人話個汁無咩味呀   我話今次懶囉   無開樽新嘅茄汁   之後再話豬扒好 "鞋" 呀   呢樣又係我懶無落生粉呀   睇見佢真係慘   唔好食都要食   哈哈 ~

蒸節瓜粒 - 買咗 3 個節瓜   咁就可以帶飯喇 ~

油麥菜 - 食埋剩咗嗰半斤   好在無變冰咋 ~

洗埋碗就開機洗衫   之後沖涼休息   里奧大人就熨衫喇 ~

一齊睇 "痞子無間道" 同埋 "臥底旅行團 4.0"   睇完再睇陣 Youtube   今晚 10 點 45 分先瞓覺 ~