梅菜扣肉粒炒飯 + 金銀蛋菠菜苗 ( 17-MAR-2025 )

蒸熱嘅糖醋骨都好味呀

尋日食剩嘅咖哩吉列豬扒意粉   點都要食埋去啦

( 17-MAR-2025  MON )

感恩一覺瞓天光呀   好耐無試過咁喇 ~

早餐食芝士捧   咁 1 包有 4 條嘅   本來諗住食 1 條   因為食 2 條真係好飽   但又唔想擺咁耐囉   始終星期六買嘛 ~

今朝又好凍呀   又天陰陰咁   但最緊要唔好落雨就得喇 ~

番到菇場   阿爽同阿蟲又講坐坐啲咩咩有得買   仲要大大聲真係好煩   同埋如果星期六見到   咁咪嗰日 Whatspp 講囉   駛咩留到今日先講呀 ~

家姐有筍嘢係即時同同事 Whatsapp   我同阿花阿妹都係咁   唔會等到星期一或者見面先講囉 ~

咁我去 Pantry 斟水   溫總好開心話用咗我蒸節瓜嘅方法   但就做多咗功夫   因為平時切片炒   今次要切粒   佢話屋企仲有紅蘿蔔肉碎同洋蔥剩咗   所以一齊蒸埋   估唔到佢老公鍾意食   佢話佢老公又係唔鍾意食菜   平時肉碎炒瓜食好少咋 ~

Lunch Time 出去行陣再去食米線   食完再去一田行下   諗住去 iEAT 買菜   點知無哂   所以拿拿聲再出去買菜   差唔多 1 點先番到菇場呀 ~

唔忙就繼續做自己嘢   所以好快放工 ~

里奧大人今日番咗公司做嘢   差唔多 5 點先放工   咁番到去見佢熨緊衫   雖然熨 2 機衫   但啲衫好厚   所以感覺上唔駛熨咁多咁   哈哈 ~

我話聞到好香嘅薑醋味   里奧大人話可能有人煲薑醋   但我話頭先經過又聞唔到喎   之後我先知原來係個糖醋骨發出嚟㗎   但尋晚又聞唔到咁重嘅薑醋味喎 ~

是日晚餐 - 梅菜扣肉粒炒飯 + 金銀蛋菠菜苗

梅菜扣肉粒炒飯 - 本身諗住五香肉丁炒飯   咁就將尋晚食剩嘅 2 片梅菜扣肉嚟帶飯啦   之後諗諗下不如切粒炒飯好過 ~

金銀蛋菠菜苗 - 終於清哂啲鹹蛋   雖然我鍾意食金銀蛋   但都唔可以成日食呢 ~

洗埋碗就開機洗衫   之後沖涼休息 ~

睇陣 Youtube   今晚 10 點 22 分都瞓覺喇 ~