日式咖哩牛梅花肉意粉 + 泰式聖羅勒辣椒醬炒茄子 + 脆門鱔魚皮 (外賣) ( 19-MAR-2025 )

( 19-MAR-2025  WED )

尋晚瞓得都 OK 嘅   但個人好似有啲唔舒服又頭痛   里奧大人叫我唔好番工   我話唔駛啦 ~

早餐食芝士條   今朝無咩胃口   不過都覺得好味道嘅 ~

菇場忙咗陣就做自己嘢啦   咁啲時間就會過得好快呢 ~

Lunch Time 出去行陣就去 iEAT 買菜   但個頭仲有啲痛   所以唔行咁耐 lu   買完都番菇場開飯喇 ~

一個碗就咁裝哂粟米   另一個碗就裝茄汁豬扒喺底再加少少白飯   所以啲同事見我拎碗粟米出嚟先   就以為我唔食飯呀

唔忙就繼續做自己嘢   做下做下又 5 點半 lu ~

買埋魚皮就番屋企   里奧大人話 7 點先番到屋企   咁我可以慢慢煮喇 ~

是日晚餐 - 日式咖哩牛梅花肉意粉 + 泰式聖羅勒辣椒醬炒茄子 + 脆門鱔魚皮 (外賣)

日式咖哩牛梅花肉意粉 - 今次轉食日本意粉   真係彈牙啲㗎   同埋無諗過 2 撮意粉係咁多呀   下次去開 AEON 見特價就入貨先 ~

泰式聖羅勒辣椒醬炒茄子 - 加醬料嚟燜真係好食好多   但我其實覺得就咁辣油炸蒜都好味㗎   不過里奧大人就麻麻哋囉 ~

脆門鱔魚皮 (外賣) - 好想食就買啦   不過又係要分幾晚食   哈哈 ~

洗埋碗再煲蕃薯糖水   搞掂就開機洗衫   之後沖涼休息 ~

里奧大人就熨衫   等佢沖埋涼就食蕃薯糖水喇 ~

睇陣 Youtube   今晚 10 點半都瞓覺 lu ~