茄汁豬扒 + 菠菜苗 ( 18-MAR-2025 )

最搞笑里奧大人好快咁拎條細嘅   我話唔食唔緊要   我都諗住聽日帶飯嘅   之後佢即刻放低   不過佢成日話粟米難消化   所以佢都唔係咁想食   哈哈

( 18-MAR-2025  TUE )

感恩瞓得唔錯呀   其實未天光係想去廁所   不過就忍住唔去嘅   因為好多時去完反而難瞓得番   所以繼續瞓到鬧鐵響呢 ~

早餐食日式迷你朱古力牛角包+日式迷你牛角包   我覺得 Cantevole 出嘅牛角包都唔錯   起碼有牛油味呢 ~

今朝仍然覺得凍呀   不過我都無着褸   就咁着件厚身衫就算喇 ~

菇場唔忙又做自己嘢   咁就好快到 11 點 45 分呢 ~

Lunch Time 出去行陣再去食水餃米   之後買超甜粟米同乾蔥獨子蒜   去到生果舖又再買梳大蕉   最後又忍唔住買咗 3 磅百香果   本來想唔買   但諗諗下可以比一半比阿妹   所以買埋喇   真係買下買下就用咗 2 個環保袋   因為我要分開拎呀   一隻手拎會好重呢 ~

唔忙繼續做自己嘢   所以好快又放工咁 ~

番到屋企即預備晚餐   里奧大人話 7 點先番到屋企   咁我可以唔駛咁趕 lu ~

是日晚餐 - 茄汁豬扒 + 菠菜苗

茄汁豬扒 - 今次煮得好味呀   所以好開心   哈哈 ~

菠菜苗 - 尋晚開咗罐鮑魚比里奧大人帶飯   我特登留咗啲鮑汁用嚟煮菜   咁唔好嘥嘛 ~

洗埋碗就開機洗衫   之後沖涼休息   里奧大人就熨衫 ~

上次見家姐個 Mouse Pad 污糟哂   所以買個水怪比佢   其實次次買比佢嘅嘢   都係我自己鍾意嘅公仔呢   但如果佢要買   我先會比佢揀   呵呵

我叫里奧大人買哪吒呀   好在佢都鍾意咋   本來佢諗住拎番公司用   依家就喺屋企用   咁我可以成日見到佢呀

里奧大人買咗呢個哪吒比我   我話都唔似嘅   之後佢話啲相唔係咁樣㗎   哈哈

同里奧大人一齊睇 "臥底旅行團 4.0"   睇完再睇陣 Youtube   今晚個人占寒占凍咁   所以 10 點 18 分都瞓喇 ~