招牌黑醋骨拚菠蘿生炒骨飯 + 香辣干鍋雞拚梅菜扣肉飯 ( 16-MAR-2025 )

招牌黑醋骨拚菠蘿生炒骨飯 - 兩個嘅味道都唔錯呀   但生炒骨唔係脆囉   唔係真係更加好食

香辣干鍋雞拚梅菜扣肉飯 - 呢兩個味道又係唔錯   梅菜扣肉要加多 $10   兩餸飯要 $50 其實都貴   哈哈

( 16-MAR-2025  SUN )

今朝同里奧大人一齊起身   不過次次我都早過佢出門口嘅 ~

仍都係同家姐 姐夫飲茶   雖然一個月只飲 2 次茶   但因為早點唔多選擇   有啲又唔想食   所以來來去去都食嗰啲   好在都好味   唔係真係會食埋早餐先探 Berry 呀   哈哈 ~

芋頭糕 & 鮮蝦腸粉 - 我一嚟到   家姐就笑哂口話今次食新嘢呀   哈哈

薑粒雞包仔 - 今朝好想食雞包仔呀

蠔皇鮮竹卷

鴛鴦燒賣皇

食完就同家姐去超市行陣   買埋士多啤梨就番屋企喇 ~

一開門   Berry 就係咁大聲吠   仲要係女仔聲   所以係好刺耳呀   之後跳上梳化都仲繼續吠   今朝做咩咁興奮呀 ~

咁眼瞓咁嘅

對眼都係攰

係咁郁嚟郁去

坐定定睇零食

Berry 有樣好   就係唔護食   我拎開塊雞柳都唔會咬我   以前朱朱見我隻手一郁就已經 "嗚" 我㗎喇

食完就 "得" 住我瞓覺

家姐話煲嘢飲   但成日計錯份量   細碗 5 碗水就大碗 5 碗水   大碗 7 碗水佢就變咗細碗 7 碗水   咁有次佢煲紅棗水   唔知點解得番 1 杯仔   家姐話姐夫話好甜唔飲   家姐就自己飲哂   但覺得好鬼甜   我話妳加水咪得囉   家姐雙眼發光話係喎   妳好叻呀   我真係唔識呀   我話我唔係叻   係妳蠢   哈哈 ~

家姐間唔中都煲嘢飲   但份量係求其嘅

煲完嘢又傾下偈啦   之後又去拎啲新衫比我試   話啱就再去買   不過我唔係咁受到灰紫色   有時鍾意嘅顏色   真係要着上身先知好唔好睇呢 ~

仍然好眼瞓喎

對眼合到好實

之後坐喺我同家姐中間就瞓着咗 lu

今日 12 點要走喇   因為食完午餐就要去參加課程呀 ~

番到屋企放低嘢先   再倒埋五花茶比里奧大人   等佢開會嘅時候可以飲喇 ~

$69/盒   所以同家姐每人一盒   之後佢話好衰咁   因為我比錢   我話衰咩鬼呀真係   唔通要大家分開比呀 ?!   真係好搞笑囉

呢包檳城白咖哩麵同薯片係大媽比家姐㗎   但家姐唔想食   所以我叫佢比我   大媽成日都會比嘢家姐㗎   家姐已經話唔要   但點都要比囉   上次仲煲埋南瓜湯比家姐添呀

里奧大人一嚟到就拎個保溫杯出嚟   話飲唔哂凍檸茶可以一陣飲   之後我話我拎咗五花茶比佢呀   又會咁啱嘅 ~

咖哩吉列豬扒意粉 - 食唔哂呀   要留番聽晚食了

鹹蛋肉餅飯 - 呢個好味呀

我叫里奧大人幫我淘嘢   佢問我淘咩 ?!   我話用嚟煮嘢用嘅   你唔識㗎喇   里奧大人話呢樣真係駁唔到咀   因為佢真係唔知煮嘢係要啲咩   哈哈 ~

食完就同榴槤 細細粒再加其他組員   總共 7 個人去參加 SB 課程   本來石頭都去㗎   不過最後要溫書所以去唔到呢 ~

5 點半結束   之後大家分道揚鑣   我就去櫂發小廚買兩餸飯   本來諗住下次先   但里奧大人成日想試   咁我就去買啦   反正行直路一條就係 ~

番到屋企都 6 點 10 分   咁里奧大人仲未開完會   我都沖涼先喇 ~

里奧大人 7 點 15 分先番到屋企呀   所以啲兩餸飯都唔熱喇   不過我今日都好攰   唔想再特登分碟再焗熱呀   寧願凍食   哈哈 ~

味道其實都好一般咋噃   定係因為唔係熱食呢 ?!   咁下次再買多次先 ~

食完叫里奧大人抖陣要沖涼喇   因為要一齊睇 "中年好聲音 3" 呀 ~

睇到 10 點   之後再睇陣 Youtube   呢排多數睇一口氣看完咩咩咩   咁都唔錯㗎   咁好快知道就戲好睇定唔好睇呢 ~

睇呀睇   睇到 11 點先瞓呀 ~