韓國燒汁燜薯仔牛肋條 + 辣椒蒜蓉蒸茄子 + 炸魚皮 (外賣) ( 7-MAR-2025 )

( 7-MAR-2025  FRI )

尋晚瞓得唔錯呀   今朝正想轉身嘅時候   鬧鐘就啱啱響   起身嘅時候感覺好似發緊夢咁   哈哈 ~

次次出去食早餐   里奧大人真係特別快手快腳㗎   今朝 7 點 45 分都已經搞掂添呀 ~

我同里奧大人講話帶飯真係好方便   佢即刻話係呀   重要當係落大雨嘅時候   覺得帶飯真係好好呀 ~

諗起有次同皇太后傾開偈   我話我煮飯   佢好大反應話妳會煮飯 ?!   話上次見到里奧大人出去買午餐   我話買午餐唔代表我唔煮飯喎   咁有次我唔舒服   老闆見到里奧大人買午餐同晚餐   佢又以為我唔會煮飯   真係好搞笑囉 ~

好感恩趕到班車   咁就唔駛遲到呢 ~

菇場 3D   又可以做自己嘢 ~

Lunch Time 蒸完飯就出去行陣   行半個鐘就番菇場開飯喇 ~

諗住唔忙點知好忙   不過咁都好   時間過得好快呢   同埋聽日唔駛番工   今日點都要做哂嘛 ~

放工即走   里奧大人話唔餓   叫我唔好煮咁多嘢   不過其實我都煮得唔多啦 ~

番到屋企已經見到里奧大人   咁我開雪櫃拎嘢   見到 2 碗糖水呀   肯定里奧大人想比驚喜我啦   但可惜我要開雪櫃   哈哈 ~

我同佢講都覺得好奇怪   平時你唔會講唔餓囉   咁即係要留肚食糖水啦 ~

咁又仲未食得住   所以里奧大人就熨衫喇 ~

是日晚餐 - 韓國燒汁燜薯仔牛肋條 + 辣椒蒜蓉蒸茄子 + 炸魚皮 (外賣)

韓國燒汁燜薯仔牛肋條 - 終於清哂啲牛肋條   不過短期內都唔會再買㗎喇   1 包差唔多 1 年先食哂   唔想擺咁耐   同埋唔想阻住冰格啲位呀   哈哈 ~

辣椒蒜蓉蒸茄子 - 尋晚食剩 1 條茄子   今晚都食埋去 lu   清哂啲嘢真係好開心呢 ~

炸魚皮 (外賣) - 好想食就買啦   同埋諗住聽晚煮麵   咁可以多樣嘢食下咁啦 ~

洗埋碗就開機洗衫   之後沖涼休息   睇埋里奧大人沖完涼就食糖水喇 ~

今次都好食呀   其實本身諗住唔再幫襯㗎喇   因為無咁好食   估唔到依家又變番好食   所以會再幫襯   哈哈

睇完 "痞子無間道" 就睇 "臥底旅行團 4.0"   睇到 11 點幾先瞓呀 ~