KFC 套餐 (外賣) ( 15-MAR-2025 )

( 15-MAR-2025  SAT )

今朝同里奧大人一齊起身   咁晏啲要睇中醫   所以都沖涼洗頭先   唔駛做完小清潔先沖   咁樣好似時間好用啲咁 ~

我食完早餐就番屋企做陣小清潔再開機洗衫   差唔多 10 點就出發睇中醫   咁經過銀行見無人就去搞啲嘢啦   感恩比我成功申請咗   可以放下心頭大石了 ~

搞掂就去睇中醫   我同醫師講話上次食完中藥無耐就會肚屙   佢話係排濕   不過我話呢排瞓得唔好   想要啲食咗會瞓得好啲嘅藥先呀   哈哈 ~

睇完就去 DONKI 行下   之後再去 Cantevole 買麵包同去 AEON 買嘢   行到屋企附近再去惠康   見到午花茶特價   即買 4 支呀   重鬼到呢 ~

番到屋企已經 12 點 45 分   真係要抖下先喇 ~

鴻福堂五花茶只係 $30/2 支   真係好抵

抖咗半個鐘就出發去里奧大人公司   因為想見阿妹呀   同佢傾咗陣偈就同里奧大人出去食午餐喇 ~

口水雞飯 - 呢間口水雞個汁係好香辣   所以我都要食飯   唔好嘥咗啲汁   哈哈

招牌水煮魚飯 - 份量都唔少   同埋有好多芽菜同椰菜   仲有寬粉添呀

食完就去里奧大人公司坐陣   之後我要去 LA 活動喇 ~

差唔多 4 點半左右完畢   原來里奧大人仲未放工   咁我過去佢公司搵佢喇   之後去到見到阿妹同叻叻買咗 KFC   佢話叫我一齊去食呀   不過我仲有啲嘢要搞   所以晏少少再搵佢哋 ~

去到見到有 5 個餐   叻叻話買一送一係佢同阿妹   里奧大人同易姐   之後再買多份比我   真係好感動呀   始終我唔係佢同事   但佢買得比里奧大人就一定買埋比我㗎 ~

我哋講開去邊度會有優惠   叻叻話有筍嘢會比里奧大人知   我話妳比佢就遲㗎喇   直接比我好過啦   所以叫里奧大人幫我哋開個群組   有咩筍嘢可以即時匯報   哈哈 ~

食下傾下又 5 點幾   咁我哋都番完崇拜先番屋企 lu   反正今晚唔駛出去食嘢 ~

崇拜完畢就即番屋企   沖埋涼就休息休息   我同里奧大人講話今朝雖然早起身   但估唔到全日都好精神呀 ~

睇下 Youtube   睇到 10 點 45 分都瞓覺 lu   我初初仲驚頭先飲完可樂唔會咁早瞓添呀 ~