源發潮州粉麵 @ 九龍灣 ( 15-aug-2012 )

( 15-aug-2012 wed )

星期三喇   尋晚瞓得好好   7 點 25 分可以起身 lu ~

今朝行行下差 d 打爛個 lunch box   晨早流流未食嘢無咩力   諗住擺 d 報紙喺 lunch box 嘅袋度   點知甩手   成個 lunch box 跌落地下   好在飯蓋着地先   唔係盒連袋都唔要得架喇   感恩感恩 ~

又有 40 分鐘食早餐   所以食米粉餐喇 ~

菇場雖然靜到不得了   不過 d 時間都好快過   好快就到 lunch time   又係 lunch box   今朝跌完落地之後  d 飯餸好似打風咁   我同事都話好小見到我 lunch box 咁樣呀 ~

又話傍晚可能會掛一號風球   今次又係打到正一正   2 個月 3 個風球都幾勁噃 ~

今晚去針灸   6 點 15 分去到   聽到話醫師出咗去診症   仲諗住有排等   好在佢 6 點半番到黎   我又係第一個睇   所以 7 點搞掂   第一次咁快咋   非常之感恩 ~

之後又到九龍塘地鐵站 join 里奧大人   入到車廂我就坐   里奧大人就企   我就問依家幾號風球   突然間坐我隔離嘅女人同我講 : 阿小姐   妳個電話可以睇到天文台架喎   嘩   嚇得我丫   佢塞住耳仔架喎   我又無特登好大聲問   不過睇佢 d 眼神同語氣   應該係有 d 問題呢 ~

好想食粉果呀   所以今晚又去源發   估唔到里奧大人都好想食   仲想食 2 個   不過都係睇定 d 先叫   因為次次都好飽 ~

又係捧住個肚番屋企   整埋 lunch box 再沖涼   之後就熨衫   睇陣電視   11 點就瞓覺喇 ~