住家飯 again @ 媽咪屋企 ( 3-aug-2012 )

蕃茄炒蝦仁

蒸鯧魚

白切雞

蒜蓉炒豆角

髮菜花生眉豆雞腳螺片湯 ( 隔夜 )

石硤龍眼 / 西瓜

卡樂 B 原味薯片 - 我去到媽咪屋企   出奇地見到有 2 包薯片   媽咪話買比家姐食   之後就話食完飯一齊食薯片   yo   食香口嘢完全無問題啦

( 3-aug-2012 thu )

woo   星期四喇   一樣咁焗   依家真係想快 d 喺 office hour 落番場雨   咁就無咁焗喇 ~



菇場忙呀   所以一望個電腦已經 12 點 10 分 lu ~

同 8 卦一齊出去食 lunch   我又未餓   所以邊行邊搵食   都差唔多 1 點   所以最後見到有車仔麵就入去食喇   其實我地最初都係食麵   但 8 卦話好熱唔想食   不過最終都係食麵   佢食完話好熱   但我一滴汗都無   個身仲係爽   所以我話佢應該食得太急呢 ~

里奧大人又上咗大陸   我又番媽咪屋企食飯 lu   依家如果里奧大人夜番   我都番媽咪屋企食飯   除非真係好攰好攰   話哂見到屋企人都好開心嘅   反正又有時間   依家又住得近   遠就話比籍口唔去啫   不過諗深一層   遠都唔係籍口   因為家姐住元朗都都成日番去食飯   係睇妳有無心去囉   我都唔算好架喇   咁近都唔係成日番去呢 ~  

8 點幾就同埋家姐一齊去惠康買嘢   買咗一大袋   所以家姐又爭住拎   佢知我腰骨痛嘛   但其實佢都腰骨痛   所以我真係好感恩有個好家姐 ~

佢又問海鮮脆開咗未   我好肯定就係佢真係好想好想食   因為由我喺馬來西亞番黎   佢每次見我都問   不過我話未食   佢話唔好開住   驚會淋   咁今晚佢上黎   我都照開啦   同埋太大包呀   想佢快 d 食同埋拎 d 走   我又有空間擺其他嘢嘛 ~

家姐 10 點半就走喇   之後里奧大人就番黎   佢話頭先比個女人撲埋去嚇親   原來係家姐嚇佢 ~

本來 11 點半就瞓   不過 me me 摩摩   12 點先入房瞓   好在聽日番半日啫 ~