Sambal 豆角炒蝦球 + 泰式紅咖哩薯仔雞膇 ( 7-aug-2012 )

( 7-aug-2012 tue )

今朝起身時   里奧大人問我做咩唔瞓多陣   我話 ok 精神所以起身喇 ~

早餐食沙爹牛肉腸仔米粉   之前喺金加利食咗啖德國腸   覺得好濃味   依家食番普通腸仔覺得無味   平時係覺得好鹹咁家嘛 ~




菇場忙下停下   到 lunch time 都未餓   好在我個 lunch box 係尾二先叮   灘凍 d 先食   唔駛咁快又食咁 ~

放工即走喇   依家超市買菜唔平   所以依家多數去街市買餸   多數買兩晚餸   咁就唔駛晚晚去   時間好用好多架 ~

番到屋企預備哂晚餐就拖地   之後再煮飯   d 汗係咁流   煮完之後無胃口食   沖個靚涼抖半個鐘先有番胃口呢 ~

是日晚餐 - Sambal 豆角炒蝦球 + 泰式紅咖哩薯仔雞膇

Sambal 豆角炒蝦球 - 估唔到包 Sambal 差唔多到期   好似買咗無幾耐咁咋噃   好在上次睇下 d 醬料   唔係真係過期都唔知   今次問埋阿表點煮呢個餸   有人教果然有信心 d   嘩哈哈   里奧大人仲有幾聲咳   所以我預佢一食就依依哦哦   但估唔到佢話好食   不過係辣咗 d   好開心佢都鍾意食   因為仲有 2 包未煮呀   嘩哈  ~

泰式紅咖哩薯仔雞膇 - 上次執柜   見到阿表買比我樽紅咖哩醬就黎過期   媽咪又買咗雞膇比我   所以又即煮囉   不過唔係今晚嘅餸   係我後日同大後日嘅 lunch box 呢 ~

里奧大人 9 點幾先番到黎   食完飯睇陣電視   沖完涼就瞓   我就睇乒乓波到 11 點半   本來想繼續睇   不過都係瞓覺算喇   唔想太夜瞓 ~