源發潮州粉麵 @ 九龍灣 ( 8-aug-2012 )

蝴蝶腩銀針粉 - 我好鍾意個湯底   同埋都有唔小芽菜   好耐無食銀針粉   覺得好味呀   不過超級飽肚     

 水餃粗麵 - 水餃都幾大隻   同埋最緊要無咩肥豬肉 

粉果 - 真係好味道架   配埋豉油同佢地嘅蒜香辣椒油   我覺得真係超正架   連里奧大人對粉果無咩興趣都要食一隻呢  

腐乳通菜 ( 大 ) - 點都要食 d 菜嘛   不過真係好鬼飽   下次叫碟細算數喇

 

( 8-aug-2012 wed )

瞓到 7 點 55 分先起身   感恩一到車站就有車   咁就唔駛咁趕食早餐喇 ~

菇場忙下停下忙下咁   所以都幾快就 lunch time 喇 ~

我叮完 lunch box 埋位食咗幾啖   8 卦已經食完   3 分鐘食完   好誇囉   話哂個 lunch box 由微波爐拎出黎好鬼熱家嘛   咁尋日應承咗 8 卦出去買零食   所以我話食完就陪佢買啦   出到去幾咁焗呀   好似吽風咁   今次真係希望快 d 落場雨啦   太焗真係好辛苦呢 ~

放工去睇中醫   咁我扒低喺床嘅時候   我打比媽咪   之後醫師入黎大力按我背脊   我即同媽咪講 bye bye   醫師笑住話仲諗住特登大力按   等我 we 嘩鬼叫咁講電話   估唔到我收線 ~

針完差唔多 7 點半   即打比里奧大人   之後喺九龍塘地鐵站等佢   我話坐喺樓梯附近等佢   佢話叫我唔好坐樓梯等佢咁肉酸   嘩哈哈   笑死我啦   我點會坐樓梯等佢呀   我話樓梯附近有櫈坐架   之後佢黎到我即指比佢睇   原來佢無留意   所以佢奇怪我點解坐樓梯咁肉酸呀 ~  

我話一定要去源發食粉   佢好奇怪點解我咁想食   之後我話埋要食粉果   佢就話終於知道點解咁想食源發   係因為食粉果 ~

飽到呢   不過無行陣先番屋企呀   因為里奧大人 Backpack 好重   想番屋企呀 ~