King Ludwig Beerhall @ 赤柱 ( 17-nov-2012 )

( 17-nov-2012 sat )

yohoho   終於又到自己真正嘅 off 喇   10 點 15 分醒咗   懶下床   之後 8 卦打黎話有筍嘢買   不過無我地要嘅 model 呢 ~

梳洗後就去 KFC 食早餐   食完就番屋企抖陣   一早諗好去赤柱   雖然天陰陰   同埋知道會落雨   但里奧大人話照去喎   即沖涼就出發喇 ~  

搭地鐵去金鐘再轉 6X   去到都點幾 lu   一落車無耐就落雨   大粒但唔密   里奧大人又話帶咗遮   點知換咗袋無放番落去   信錯人啦 ~   

我未見過咁淺色嘅雀仔架

woo   好感恩買到腳架   不過間嘢態度唔好   所以買一個算   之後再入去行下   又見到腳架   再買多一個   因為之前搵極都搵唔到   估唔到赤柱有呢 ~

一出大街又落雨   係咪咁邪   急步行番去美利樓   去食 Tea Buffet   點知原來 3 點開始嘅 Tea Buffet 係無鹹豬手   好奇怪   我一心黎食鹹豬手   點知無得食又唔會話好失望   同埋我又覺得下次叫埋家姐一齊食仲好   唔駛食哂隻豬手已經食唔落嘢嘛 ~

本來坐室外   不過落雨驚凍   同埋落哂膠幕即係無得望海景   所以坐室內 lu ~

環境真係好舒服   同埋無得食豬手喎   咁當然無咩人啦   好似得 4 張枱有人咋   室外就多 d 人囉   不過我覺得最正係間餐廳得香港人同外國人呀 ~

凍螺 / 凍蝦 / 牛肉

牛肉夾住酸瓜   我覺得好好食呀

烤雞膇 / 烤腸

蝴蝶包 / 烤腸 / 牛肉腸 - 我成日想食蝴蝶包   不過原來係無特別 @.@

煙三文魚 / 生果沙律

所有生果都係無味嘅

咖哩牛腩 / 印度薄餅 / 春卷 / 煙鴨胸

烤豬肉 ( 好似 )

脆卜卜好味   不過就咁食好鹹

意粉 - 每位可以無限次 refill   配料自選   我地食咗一碟   無厘味道 @.@

同打海鮮湯 - 好好飲呀   唔係水汪汪咁呢   飲完成身暖哂


沙律菜

心太軟 - 我話里奧大人做咩咁快拎甜品   同埋呢 pat 係咩黎   佢話襯仲未比人整到爛哂就拎咗先喎   因為個甜品已經開始比人整到溶溶爛爛咁喎   雖然樣衰   不過都好濃朱古力味


啫喱

朱古力 mousse / 杏仁條 ( 我唔記得係咩名 )

我一向都對餅乾無咩興趣   不過佢真係好好食   勁香杏仁味

牛奶公司雪糕 ( 黑芝麻 / 紅豆 ) - 硬到呢 @.@


凍檸檬茶

本來坐室外   不過落雨驚凍   同埋落哂膠幕即係無得望海景   所以坐室內 lu ~

環境真係好舒服   同埋無得食豬手喎   咁當然無咩人啦   好似得 4 張枱有人咋   室外就多 d 人囉   不過我覺得最正係間餐廳得香港人同外國人呀 ~

坐到 5 點就走人喇   因為約咗菜菜仔   所以里奧大人去 G.O.D. 買咗個袋   之後就即坐 van 仔出柴灣地鐵站喇 ~

去到北角周圍行下   估唔到買到筍嘢   差唔多 7 點菜菜仔打黎話已經到咗   咁我地都過去喇   幫襯完諗住走   點知菜菜仔係都話要飲杯嘢   所以去麥記   佢飲咖啡食 tea   我同里奧大人 share 杯汽水就夠喇   差唔多 8 點半就一齊搭地鐵   今日好開心呀   兩程地鐵都係 free   兩個人真係慳到幾十蚊架   唔錯唔錯 ~

我同里奧大人實在太飽   都唔需要食晚餐喇   晏晝食咗 3 百幾都好抵玩啦   兩餐喎 ~