住家飯 @ 媽咪屋企 ( 14-nov-2012 )

蓮藕餅

茄汁洋蔥牛扒

酸梅酸薑蒸黃立鯧

豬踭肉

菜干白菜鹹鴨腎豬骨湯

( 14-nov-2012  wed )

星期中喇   今星期 off   所以覺得好快 off 咁好開心呢 ~

天氣涼涼地又有陽光   呢 d 天氣真係超勁舒服呀   日日係咁心情都會好好多架 ~

早餐又食扒芝腿治   我好鍾意食溶哂牛油嘅多士架   但又唔鍾意食鮮油多同菠蘿油   成塊厚牛油好漏咁呢 ~

菇場忙下 hea 下   食完 lunch box 之後即去買嘢比家姐   佢去韓國好凍呀   -2至-8度   所以買 d 暖包比佢   同埋買 d 零食一齊試   好味就叫佢喺韓國買   平好多嘛 ~

其實需然菇場好靜   因為全部人都用 msn 聯絡   但咁其實都好   我都可以同朋友 m   唔係真係悶到發毛呀 ~

放工去媽咪屋企食飯   食完飯一齊試零食   實在太開心喇   我同家姐最鍾意食零食   樣樣食 d 最開心 ~

呢隻 Baked Potato 超好味道呀   好香芝士味   又脆   真係一食就不能自拔呀 

同家姐講話我今星期一開始飲檸檬茶   戒飲咖啡   點知家姐話佢同事先講   飲檸檬茶會引發女人病出黎   不過好記得如果每月一到飲檸檬茶   諗住酸酸地無咁反胃   但飲完真係超級痛架   咁我都飲番咖啡啦   反正我一日真係飲 1/3 至半杯   唔算多囉   咁諗好 d ~

差唔多 8 點 45 分就走喇   里奧大人原來已經番咗屋企   仲食埋 KFC   連食 2 次   但成日又食唔哂 d 薯格嘥鬼哂   我又唔鍾意食   如果唔係我會食埋囉 ~  

今晚又食紅豆沙   不過里奧大人問點解無起沙   問我有無浸一晚   我話有喎   再問番佢點解我浸咗一晚都無起沙嘅   佢又答唔到我  車 ~