永珍越南菜館 @ 九龍城 ( 10-nov-2012 )

炸春卷 - 2 大條   里奧大人知我鍾意食   所以佢食咗一舊就係都唔食 ^^

越式鑊仔炒蜆 - 無咩味   可能對佢期望太高   哈

越式炒飯 - 唉   上次里奧大人話食金邊粉好滯   所以堅持唔食   叫個炒飯   但無咩味啊又

冰凍馬啼沙 @ 合成糖水 - 8 卦成日話好食   所以我都帶里奧大人試碗   咁真係 ok   食完身心舒暢   可惜 d 冰粒太大   唔係更好呢

原來係"冰"凍 - 米凍喎   心諗都好特別下   果凍就見得多   米凍真係未見過   以為玩花臣用米黎整嘅甜品 @.@

( 10-nov-2012  sat )

今朝 8 點起身   下次都係 7 點 45 分起身   因為我覺得咁瞓好有壓力   驚遲到呀 ~

菇場靜到呢   好在都有 d 嘢做下   所以做下 hea 下都好快放工 ~

諗住買埋餸先番屋企   不過里奧大人係都叫我唔好買   今晚出去食喎 ~

差唔多 2 點幾先食 tea   今次去鴻點堂食呀   食完唔駛執嘅感覺實在太好喇 ~

叉燒酥 / 炸雲吞

鹹水角

回味銀針粉

山竹牛肉球

里奧大人繼續做公司嘢   所以話陪唔到我   就同我去九龍城食越南菜   因為我話間越南菜以前食都幾好味   同埋上次喺旺角食果間唔好食   佢想去試下呢 ~

無啦啦超勁眼瞓   咁里奧大人又話瞓陣晏覺   所以一齊瞓   3 點半瞓到 5 點半   我覺得好勁架喇   我真係無試過咁瞓晏覺   仲要瞓咁耐   不過瞓完真係好精神 ~  

6 點 15 分出門口   好感恩去到巴士站即刻有車   去到永珍得一枱客   其實預咗無咩人   因為好多人去九龍城多數係食泰菜嘛 ~

食完再同里奧大人去合成食糖水   之後行個圈就番屋企喇 ~