柱候焗雞翼 + 金銀蛋菠菜 + 雜丸 + 泡菜炒飯 + 果皮紅豆沙 ( 13-nov-2012 )

( 13-nov-2012  tue )

天氣清清涼涼真係唔錯   人都開心 d   可能我實在唔鍾意夏天啦 ~

今朝食扒芝腿治   真係好味道   就咁芝腿治其實都好味   但麵包一定要好軟熟   如果唔係好似好乾咁呢 ~

菇場忙呀   咁都好   好快又 lunch   食完 lunch box 就出去行下 ~

放工去大成街街市買餸   依家知道邊檔平   咁就用小好多時間呢 ~   

番到屋企先醃雞翼同浸菜   之後開機洗衫   里奧大人 9 點先放工   所以今晚自己食先   食完再熨衫同拖地   沖埋個涼就等里奧大人番屋企 lu ~ 

是日懶餐 - 柱候焗雞翼 + 金銀蛋菠菜 + 雜丸 + 泡菜炒飯 + 果皮紅豆沙

柱候焗雞翼 - 本來想用叉燒醬焗   不過未開   所以轉用柱候醬   里奧大人話好味   咁都好   因為仲剩番小小柱候醬   可以焗多次   如果佢唔鍾意食就唔知點整好 lu ~

金銀蛋菠菜 - 超勁想食金銀蛋   菠菜 $6 斤   2 隻皮蛋 + 1 隻鹹蛋都係 $6   其實想整埋上湯   不過都懶得整 ~  

雜丸 - 超勁想打邊爐   同埋勁想食蔥蒜   所以買 d 丸黎食下喇   今次用錯豉油黎點   所以好鹹   之後沖涼先醒起   應該用甜豉油   無咁口喝   丫   太耐無喺屋企整打邊爐   所以唔記得哂 lu ~

泡菜炒飯 - 終於清哂樽泡菜喇   超勁開心 ~

果皮紅豆沙 - 乾燥天氣   煲 d 糖水飲真係好滋潤咁呢 ~