華姐清湯腩 @ 天后 + 學整 Macaroon @ Coup Kitchen ( 1-nov-2012 )

清湯腩河 x 3


腩汁蘿蔔

半製成品

原來好難唧架

凍咗   可以反轉

焗埋玫瑰紅色

 

色粉係助手落嘅   無指定份量   糟糟嘅比較淺色

我嘅靚好多  哈

唧餡最好玩   因為知道就黎完成   可惜 d 餡唔夠囉  

製成品

所有同學都帶圍裙   得我地 3 個無帶   仲要 3 個都係黑色衫   好在我地都無整污糟件衫啫 ^^  

( 2-nov-2012 thu )

今朝好似又凍咗   但又懶搵長袖衫   就咁披條大披肩就算喇   咁樣都好暖呢 ~

早餐食腿蛋治烘底   坐對面個男人次次都係食鮑片火腿米粉   又唔落辣油   白雪雪咁   真係好健康呢   但唔明點解可以次次都食同一款早餐   我一定唔得囉 ~

菇場忙喇   好快又到 lunch time   本來帶咗 lunch box   不過要去旅行社   所以留番聽日先食   搞掂哂嘢都已經 1 點 10 分   拿拿聲食碗米粉算喇 ~ 

里奧大人今日上大陸   咁我就約家姐同糟糟去天后學整 Macaroon   食完嘢先去   其實都幾趕   所以好感恩大家都放 5 點半 ~

7 點開始   呀 sir 首先教整麵團   之後就我地自己整   所有份量已經喺哂枱面   超級方便   整完比助手焗   之後呀 sir 再教整餡   中場休息   太好喇   因為企到腳都軟呀   同埋好開心有 cake 食呀   呢度教整嘅 cake 黎嘅   好食就可以即報名學整   一舉兩得 ~ 

woo   焗完再唧埋餡   完成品真係差唔多 10 點先出爐   個個都好期待呢一刻呀   原來一齊學整嘢係咁開心   可以同同學交流下   傾下焗下咁   2 個半鐘頭真係好快過呢 ~

差唔多 10 點 20 分就走喇   糟糟搭地鐵   我就同家姐一齊搭 619   差唔多半個鐘就番到屋企   都算快 ~

里奧大人同我差唔多時間番到屋企   佢一見我就問學成點   好唔好玩咁   之後我比咗粒佢食   佢又話好味   咁更好味嘅   學校教好哂份量   度數又準確嘛   下次我整就唔擔保同味道同口感囉 ~