黑椒牛仔骨 + 菜心 + 蕃茄薯仔大眼雞湯 ( 15-dec-2012 )

( 15-dec-2012  sat )

今朝 9 點 10 分電話響   原來係家姐打黎   佢唔記得我 off 呀   諗住同我傾下計   點知原來我 off   之後佢就驚喇   因為我唔鍾意人喺假期嘈醒我呢 ~

尋日里奧大人 Line 我   話 sorry 星期六要做公司嘢   陪唔到我   家姐今朝又 send sms 比我   話對唔住   今朝嘈醒我   我覺得好搞笑   駛唔駛 sorry 對唔住咁嚴重呀   9 點打黎都 ok   7 點就真係唔好喇 ~

差唔多 10 點半起身   里奧大人話想去 Delifrance 食早餐   relax d 咁喎 ~  

之後我去買餸   里奧大人就去剪髮   我番到屋企又開機洗衫   之後熨衫   再抹柜   搞掂哂就沖涼抖下喇 ~

2 點半出去食 tea   勁想食牛什米   所以去明輝   因為都好多牛什   食完唔會好口渴   侍應姐姐又好人   雖然迫 d   不過都會黎食囉 ~

差唔多 5 點半就預備滾湯煮飯   太耐無煮   要 d 時間 warm up ~ 

是日懶餐 -黑椒牛仔骨 + 菜心 + 蕃茄薯仔大眼雞湯

黑椒牛仔骨 - 想清哂冰格 d 食物呀   所以又整黑椒牛仔骨喇 ~

菜心 - 好耐無食菜   見 $22 有 2 斤   即買   留番一斤聽晚食 ~

蕃茄薯仔大眼雞湯 - 里奧大人好耐無湯水飲   所以我點都要滾湯   呢檔蕃茄係 $10 / 斤   其他都係 $6 同 $8 斤   但我覺得呢檔蕃茄好有茄味   所以多數買呢檔   買咗 4 個都 $17   不過我分 2 餐煲架   依家拎 $100 去街市買餸真係唔夠   如果買豬骨煲湯   已經無咗一半   d 嘢貴到離哂大譜呢 ~
今晚特登唔食飯   留肚食零食呀   食零食真係停唔到口   爽呀~