金姆指米線 @ 九龍灣 ( 6-dec-2012 )

口水雞 

梅菜扣肉飯

墨魚丸酸辣米線 ( 5 辣 )

牛肉片酸辣米線 ( 1 辣 )

( 6-dec-2012  thu )

今朝終於見到陽光喇   實在令人振奮啦 ~

同里奧大人一齊搭地鐵   原來都好迫下   好唔明點解 d 人唔係讓人落車先囉   一見開門就即湧入黎 ~  

去到餐廳都差唔多 8 點 30 分   之後 8 卦都黎埋   我份芝腿治又遲上   反而佢件三文治又快上   食到半路佢阿 head 黎咗坐後面   所以今次真係要快 d 食喇 ~

10 點幾收到平安鐘電話   媽咪氣喘入院   依家有工人陪住   我都放心好多 ~

唉   無哂心機啦   我去旅行之前入院   好在家姐喺香港都好 d   雖然無咩嘢   不過都想知媽咪點家嘛 ~

Lunch time 又未餓   想出去行陣   行到差唔多 1 點   突然醒起 7-11 有咖哩烏冬   所以買番菇場食喇 ~



今日要去尖沙咀拎喼   本來係同家姐一齊去拎   但媽咪入咗院   咁我自己去拎喇   同呀 head 講咗 4 點鐘走   去到尖沙咀都已經 5 點   行咗陣永安就去拎喼喇   一人拎兩喼   仲要係喼中有喼   所以一定係打的啦   番到屋企覺得自己對手係斷咗咁   手震震呀 ~

工人買咗嘢食比媽咪   咁我都唔駛咁趕   咁我去埋買平安藥就打的去醫院探媽咪喇   見媽咪都攰   因為 check 呢樣 check 果樣   差唔多 2 點幾先上房呢   家姐 7 點鐘到   傾下計咁都已經 8 點   要走人喇 ~

約埋里奧大人一齊食米線   3 個人食嘢真係最好   可以食多 d 嘢  ~ 

番到屋企已經 9 點半   即開機洗衫   之後熨衫執行李   里奧大人做公司嘢   做到 11 點幾   咁我又瞓唔到   一齊睇下電視   12 點半先瞓呀 ~