是日行程 - Hotel 早餐 --> JJ Market ( Chatuchak ) --> 腳底按摩 @ JJ Mall --> Food Court @ Siam Paragon --> Boots @ Emporium --> Hotel
今朝 9 點起身 梳洗之後就去食早餐 都唔小人噃 不過最正係全部都係外國人同日本人 香港人都唔見有添呀 可能因為呢間係 Apartment 形式啦 ~
Lobby
Coffee or Tea - 我當然要 Coffee 啦 好香咖啡味 好飲呀
我嘅早餐 - 樣樣試小小 好味再攞過 哈
煙肉脆卜卜好好味呀
魚蛋米 - 我超愛泰國魚蛋米架 ^^
乳酪 - 我好小喺香港以外地方飲乳酪 因為驚搞肚痛 不過又想試下呢枝乳酪 估唔到好好飲呀 唔"鞋"口 正呀
里奧大人嘅早餐 - 都係樣樣試 d 咁啦
鮮奶 + 生果蓉 + 粟米片 - 平時又唔見食得咁健康 @.@
蛋糕 - 朝早我唔會食呢 d 架
火龍果 / 柚子 - 夜晚無生果食 唯有改朝早食啦 變咗唔駛錢可以有生果食
西瓜 - 甜又多汁 但多核呢 食完兩件之後 個口都好攰下
Window Seat
食完番上去沖涼 睇埋行程就出發喇 今次打的去 Chatuchak 車費 200Baht 去到差唔多 12 點 司機喺 JJ Mall 門口前小小停車 之後話行前小小就係 JJ Market 其實我唔知喺邊 里奧大人又係咪咁問我係咪呢度係咪呢度 我鬼知咩 知我就唔帶天書啦 ~
不過咁都好 JJ Mall 出面都好多嘢睇 之後再去埋 JJ Mall 入面嘅廁所 就正式去 JJ Market 喇 ~
風水陣
個錢箱寫住係因為小朋友要錢讀書 所以里奧大人都入咗錢幫下佢呢
佢肥嘟嘟幾可愛嘅 特別係個肚 dum 仔 不過佢檸下檸下個頭咁行埋黎嘅時候 我有 d 驚驚地即 dun 後呀
買埋杯柑桔蜜就去 JJ Market 喇
睇天書同 Blog 都話第一件事係拎 Map 真係好大呀 見到有椰子雪糕 所以買杯黎食先 之後我地由 Sention 1 開始行 估唔到入面有冷氣喎 應該係 d 舖頭自己裝咗冷氣 嘩 咁樣舒服好多呢 ~
殺入去喇
椰子雪糕 30Baht - 熱呀 食杯雪糕降降溫先
2 杯椰子水
食完再行
室內 - 有櫈坐架 同埋會有 d 小食飲品喺度賣呢
真係如 Blogger 所講 Platium Shopping Mall 真係平過 JJ Market 尋日喺 Platium 買咗嘅 點知喺呢度見到嘅仲貴 咁實唔會買啦 咁樣仲好 唔駛買咁多嘢 哈 ~
差唔多 1 點 我地求其去咗間多人食嘅檔口食嘢 又無 Menu 真係唔知食咩嘛 隔離個新加坡男仔見我地唔識叫 就叫我地指住佢個碗話 same same 得架喇 之後再睇番佢地個牌 原來係獨沽一味係食 Chicken Noodle 不過真係幾好味喎 本來一碗 share 最後我都要食一碗呢 因為想飲 d 湯呀 ~
里奧大人嘅 Chicken Noodle 好似 60Baht - 匙更前面有 pat 辣醬好好味架
我要 Chicken Rice Rice Noodle - 無咗 pat 辣醬當堂失色哂 唔明點解會無咗囉 所以叫里奧大人快快食 因為我要佢碗湯底呀 哈
唔小得嘅冰凍可樂 但次次飲半支已經好脹胃呢 @.@
食飽喇 又周圍行下 一望睇下去到邊個 Sention 原來已經 Section 5 雖則有 Map 但入面好似無寫係第幾個 Section 囉 ( 或者有 我睇唔到 ) ~
我想去 Section 4 買香薰嘛 所以番入去再睇 其實無人主張番兜 因為實在太大 根本認唔到邊到打邊度 就係咁 所以同里奧大人講 搵唔到就算 無咩所謂 但估唔到行下行下 真係唔知行咗邊 反而買到 Tee 同裙呀 之後仲買到香薰 實在太感恩啦 ~
呢日未完架
沒有留言:
發佈留言