錦日本料理 @ 九龍灣 ( 4-dec-2012 )

特選魚生飯 ( 三文魚 / 甘蝦 / 蟹籽 / 帶子 ) 跟迷你烏冬

壽司 + 天婦羅定食 ( 玉子壽司 / 三文魚壽司 / 熟蝦壽司 )

炸雞軟骨

( 4-dec-2012  tue )

今朝又毛毛雨   本來想搭地鐵   不過唔想落雨濕濕等 shuttle bus   所以都係坐快 van 算喇 ~

早餐食奶油多   以前食奶油多一定唔夠飽   依家就覺得都夠飽   今朝家姐 sms 我   問我夠唔夠飽   覺得我平時早餐都會食麵餐   食奶油多就覺得我唔夠飽喎 ~

菇場忙呀   好快就 lunch time   今日 lunch box   我見有個同事日日都係菜同豆腐同蕃茄   仲要勁似滾湯 d 湯渣   總知佢 lunch box 唔會有煎炸嘢   我見過佢一次帶滷水嘢   真係百年難得一見   同埋有時見到其他同事 d 餸   就唔駛諗夜晚煮咩呢   照抄 ~

今日有 d 攰   真係唔鍾意落雨天   由朝到晚都係灰灰暗暗   無厘生氣咁 ~

本來今晚放工同家姐出去拎喼   後尾又無得拎   里奧大人又上咗大陸   我自己一個人食   咁問家姐今晚食咩   佢話無嘢食   咁我話我請佢食飯   我都唔記得佢本來約咗我拎喼食飯添   所以工人無煮   丫   好在我問一問佢食咩啫 ~ 

家姐 7 點到   傾咗半個鐘頭電話   真係太多嘢講啦   好在我都識對方   唔係我好悶   雖然我都打緊機 ~ 

食完去惠康買嘢   之後家姐上黎我屋企一陣就走喇 ~  

里奧大人 10 點 45 分先番到屋企   之後佢睇番錄咗嘅 "瘋狂歷史補習社"   我好開心啦   因為以為 10 點半嘛   但一望鐘   原來係 11 點幾喇   要瞓喇   呢幾晚成日 11 點半瞓   朝早好似無咁精咁呢 ~