Day 1/5 ( Part 2/2 ) 泰開心買買買周圍逛 @ 泰國.曼谷 ( 8-dec-2012 )

繼續行程  Part 2 ( 8-dec-2012 )

去到 BTS 站買飛   唔知買唔買日票好   里奧大人就去 Counter 問日票幾錢   點樣用   咁我就睇下個牌寫 d 咩   之後聽到有人問 " May i help u "   不過我無理   因為都好多人買飛嘛   咁我繼續睇   之後再聽到 " May i help u "   之後我望一望佢   佢望住我笑   再問 May i help u   嘩   我估我個樣真係好惆悵喇   呢個男仔好好呀   詳細解釋比我地知來回車票同日票嘅分別   最正係佢講英文好流利呀   聽得好清楚呢   真係出門遇貴人   感恩 ~

BTS 站附近係無咩人   唔錯唔錯

Fare Information


好耐無見過地鐵飛 lu

BTS 車廂原來係好小車廂   香港係由頭到尾嘛   佢就好似喺第 3 卡停車   所以我初初排最前   里奧大人喺度笑   話企一世都唔會上到車   呵呵

我諗住帶里奧大人去水門街食雞飯   原來就係 Chit Lom 站   買杯嘢飲再去 Super Rich 唱錢   唱咗 HK$2000 ( 7800Baht )   企我地前面嘅講廣東話   所以我順便問埋邊度係水門街喇   不過佢講咗   我都唔係好記得   只記得 Big C 附近 ~   

出閘都有好多商店

Ice Chocolate with Jelly 60Baht

經過 Central World   再到 Big C   之後過條馬路 行下又問下   可惜唔太多人識英文   再開埋 GPS   好在有天書   所以最後直接指住地址問人   但最怕係 d 巷囉   左轉右轉都唔知轉咗去邊   最後我地搵咗好耐先到呀   點知去到話 Finish   嘩   晴天霹靂啦   又話 3:30 pm closed   我地去到都係 2:10 pm 咋   不過唔緊要   佢地話 5:00 pm 會有得食喎   所以夜晚先喺度食呢 ~

見到粉紅色制服好開心啦   以為有得食   點知已經 closed @.@

里奧大人又餓喎   依依哦哦   又唔想食其他店嘅雞飯   所以去番 Platium Shopping Mall 附近搵食   問 Mall 嘅 Information Centre 有無 Food Court   佢地話無   所以同佢食麥當勞先   里奧大人好唔想食架   不過無計啦 ~ 

Spicy Chicken Wing - 又話雞翼   點知係雞膇   都幾大隻   同埋夠辣   超正
Cheese Burger - 估唔到里奧大人去到泰國都食呢個包 @.@   佢話驚熱氣喎


咁都 240Baht   平均一個餐都要 HK$31   香港麥當勞應該係最平呢

嘩   一坐低就望到出面開始落雨    真係好在去咗麥當勞咋   感恩感恩 ~



食飽抖夠有氣力   即去 Platium Fashion Mall 掃貨喇   呢間 Mall 係我睇 Blog 介紹   批發形式嘅   格局似旺角中心   不過當然無旺中咁迫   唔係里奧大人一定唔行呢 ~

因為係批發價   所以買 1 件就貴 d   3 件就平好多   即係 1 件 250Baht   2 件 400Baht   3 件 500Baht 咁呢 ~

以為行哂   原來總共係有 3 個 Mall 嘅   不過好口渴   出去買杯 Smoothies 飲   再行 Mall 2 ~ 

Mixberry Coolatta 55Baht

唔知係咪聖誕節關係   所以有好多街邊檔呢 ?!

行咗差唔多 2 個鐘   同里奧大人每人買咗 1x 件 Tee   真係超滿足   實在太平喇   款式又多   真係好難忍手   再去 Food Court 飲杯嘢抖陣就走喇 ~

Watermelon Juice @ Food Court


差唔多 6 點半   我地再去番水門街食雞飯   其實雞唔滑架   不過勝在個醬汁超正   同埋 60Baht 咋   唔會有要求啦 ~

晚餐

Chicken Gizzard & Liver 雞胗 & 雞肝 60Baht ( 小 ) - 想食雞潤咋 

雞飯 60Baht ( 小 )

油飯 ?! 無咩味咁喎


醬汁係靈魂   d 薑粒都好辣   食完好慶  哈

可樂 10Baht


街邊買嘅椰青水   好似 40Baht   好好飲呀

餐牌


好多本地人食呢

食完去 Big C   途經見到買芒果糯米飯同埋士多啤梨嘅街邊檔   即買番酒店食呀   去到 Big C   里奧大人問我有咩嘢買   我話要買好多   不過我地呢日太多嘢   同埋仲未行完 Platium Shopping Mall   所以買咗 d 先   後日再黎過 ~

再去 Super Rich 唱多 HK$1000 ( 3900Baht )   之後去埋 Beauty Buffet 買咗支 Body Lotion 同磨砂就番到酒店喇   差唔多 9 點幾 lu   浸浴再嘆埋芒果糯米飯   真係好味到呢   食完睇陣電視就休息喇 ~



芒果 60Baht & Sticky Rice 20Baht - 喺街邊檔口   見到芒果   再問佢有無 Sticky Rice   之後佢先攞出黎   仲要係 last one 一包   即買呀


擺喺碗嘅賣相真係靚好多呢   不過真係超級好食   芒果甜   糯米飯煙韌   椰漿份量係啱啱好   太多都會覺得漏呀   就係咁鬼好食   所以決定每日都要食芒果糯米飯呢

100Baht - 酸到呢 @.@.

呢日行程完畢