別府 @ 九龍灣 ( 21-dec-2012 )

九洲拉麵


雞胸軟骨餃子捧

炒野菜

燒麵豉飯團

( 21-dec-2012  fri )

嘩   尋晚一瞓落床即咳到差 d 連命都無呀   起身飲杯暖水   再食粒喉糖先舒服 d 咋 ~

今朝搭地鐵   真係好唔慣   雖然都好快   不過要等 shuttle bus 番菇場   今次耐咗   等咗 10 分鐘   所以又小咗 d 時間食早餐喇 ~

超勁想食扒芝腿治   點知阿姐話師傅放咗假   今日替工會整好耐   叫我食第 d   咁我改食餐蛋治囉 ~

番到菇場唔太忙   咁都好   好鬼攰呀   11 點收到 email 話收 4 點   發達喇 ~

晏晝唔餓   所以出去行   順便買勁巾比 d 姑奶做聖誕禮物   之後買腸粉番菇場食   我話要埋辣醬嘛   佢無落   我甜醬   好甜呀   所以好漏 ~

食完仲有 mood 做嘢丫   問下媽咪 4 點去唔去大家樂食 tea   估唔到佢又話去   咁就去啦   其實我想番屋企休息   不過冰姑話陪媽媽嘛   咁好啦   陪就陪啦   反正真係好難得放 4 點嘛 ~

我 4 點半先到呀   同媽咪工人 share 食兩個餐   之後傾下計都已經差唔多 6 點 lu   要走喇 ~

陪媽咪去買衫   感恩啱哂媽咪心水呀   所以即買 3 件衫同 1 條褲比佢   當做聖誕禮物 ~

之後去媽咪屋企坐一陣   7 點走人   里奧大人 7 點 15 分打黎話放工   咁我話想去椰林閣   咁我去攞位先 ~  

望入去係得 4 張枱有人食嘢   但淘大間間食店都要等位   連太興都要等   之後聽到有個人好愕然話點解椰林閣無人嘅   搞到我心大心細唔想入   不過後尾都入咗去   因為我未試過呢度嘅晚餐   佢比我坐對住門口嘅二人枱   其實我如果無唔舒服   我都無問題   但唔舒服就唔想對住門口   好凍家嘛 ~

咁我話可唔可以轉卡位   佢叫我出去等拎飛喎   心諗都痴線   又無咩人食   我坐喺度等都無問題啦 ~ 
咁我出到去   順便去別府睇下有無位   要等 4 張枱   咁兩邊等囉   點知別府有位先   就去別府食喇 ~

食完番屋企飲湯   之後開機洗衫又熨衫   做完就即沖涼休息喇 ~