黑椒雞絲意粉 + 生菜 ( 3-dec-2012 )

( 3-dec-2012  mon )

又落雨   落咗好耐喇   好想見到陽光   好似話星期四會有陽光   期待呀 ~

今朝搞笑啦   里奧大人打黎第一句話對我唔住   原來無開抽濕機   好在 d 衫已經乾咗七七八八   唔係我就會話呢 ~  

落雨所以坐快 van   好在咋   里奧大人話九龍灣突然好多人呀   但又無事發生架喎 ~  

早餐食腿蛋治   好似好耐無食咁   見到 d 蛋咁淺色   越黎越無蛋味喇 ~



番到菇場超勁忙呀   做到食飯為止   今日食 lunch box   依家咁嘅天氣都懶得出街呢 ~

 放工搭地鐵   要慳錢呀   我想一日車費係 $10 之內   去完阿信屋買零食就番屋企喇 ~  

一入屋即開機洗衫   再入廚房預備晚餐   諗住自己食先   點知里奧大人 7 點半打黎話可以放工   咁就等埋佢一齊食啦 ~

是日懶餐 - 黑椒雞絲意粉 + 生菜

黑椒雞絲意粉 - 想清哂冰格 d 食物呀   依家逐 d 逐 d 清   因為我想雪柜凍 d 呀 ~ 

生菜 - 一個字 "懶"   食生菜最好啦   淥一淥就搞掂   點埋辣椒腐乳真係超級正呢 ~