韓式辣醬炒豚肉 + 菜心 ( 22-APR-2016 )

( 22-APR-2016 FRI )

又 Happy Friday 喇   我要開開心心   哈哈 ~

早餐食奄列餐   之後 8 卦又嚟埋   今朝天氣好差咁呀   明明個天都光光哋嘅   點知轉個頭望出去   個天已經黑哂   8 卦話早啲番菇場   話驚落雨   但我就未走住囉   其實佢走咗仲好   我可以睇報紙   依家就算一齊食早餐   我都唔係咁想講嘢   因為佢做咗一件令我好反感嘅嘢  所以佢唔嚟   我仲開心   不過我哋來來去去都係食嗰幾間   實會撞到囉 ~

菇場忙下停下   清哂自己啲嘢就最安樂   呵呵 ~

今日有 Lunch Box   我都鍾意食芋絲㗎   但里奧大人話頂胃喎   我話咬爛啲咪得囉 ~

個天時光又時黑   所以都係唔出街行喇 ~

放工即走   里奧大人今日 1 點去深圳見客   估唔到同佢差唔多時間番到屋企附近   我話一齊上樓啦   好難得咁啱嘛   咁佢一路行   我一路笑一路啤住佢   啲人望住我呀   可能以為我黐線呀   哈哈 ~

浸埋菜就開機洗衫   6 點半開始煮嘢喇   7 點有得食   算係快   因為煮簡單嘢 ~ 

是日懶餐 - 韓式辣醬炒豚肉 + 菜心

韓式辣醬炒豚肉 - 下次都買豚肉 lu   薄薄哋最正   因為快熟   哈哈   呢個餸好味呀   辣辣哋送飯一流   所以今晚要食飯   哈哈 ~

菜心 - 有幾條苦嘅   好恐怖   下次真係去番買開果幾檔算喇   諗住貴啲好啲   點知仲衰   嗚嗚 ~

搞掂哂就去超市買嘢   好在里奧大人無陪我   因為我一出門口   就話送抽濕機嚟   但好奇怪囉   明明話打比我家嘛   估唔到打比里奧大人   可能我頭先啱啱入 Lift 呢 ~

行到差唔多 9 點就番屋企喇   沖埋涼就熨衫   10 點半就搞掂   終於可以抖下 ~

今晚都幾攰   11 點 15 分就瞓   如果聽日唔駛番工就好 lu ~