吉野家 @ 九龍灣 ( 9-APR-2016 )

( 9-APR-2016  SAT )

今朝 7 點 45 分起身   搞掂哂都係同平時差唔多時間出門口   但星期六多數車程暢順   今朝坐車尾   架車片嚟片去   感覺好似 Fing 嚟 Fing 去咁   恐怖 ~

又慢慢嘆個早餐先番工喇   勁爽 ~

菇場唔太忙   但之後知道 Report 錯哂   所以拿拿聲開行 Turbo 再做啦   我都奇怪㗎喇   點解一日半做哂   平時起碼 2 日   原來我漏咗 Copy 同 Check 價錢   唉   做咁耐第一次咁咋   我都接受唔到自己咁錯法呢   所以遲咗 5 分鐘走呀   我想搞掂哂先走   唔想 Hold 住心掛掛 ~

諗住出旺角行街   但頭先嚇一嚇   真係無哂 Mood ~

咁同里奧大人去德福百老滙買抽濕機   自己果部就要 5 月先有貨   反而大姑奶部就星期二有貨   不過唔理喇   照訂 ~

搞掂哂都 2 點幾   去美心食下午茶喇   有對男女勁衰   我問佢哋隔離有無人   個女人話有   但我覺得佢係無啦   感覺唔似等人   之後佢隔離張枱有位   咁我坐啦   原來佢哋傾保險   之後呢   我係咁望住個男   個男好尷尬   因為佢認得我頭先問有無人嘛   咁我間唔中又特登望佢嗰邊   佢又好尷尬迴避我眼神   咁我同里奧大人打眼色   佢喺度笑   佢好少咁反應家嘛   之後佢講番   話頭先佢望住個女人   個女人即刻 Dup 低頭食嘢   勁尷尬嘛   唔敢望里奧大人呀   啲人真係好衰格   我哋食下午茶都算   可以等下或者去另一間   但有啲人係放 Lunch   咁妳霸住兩個位   人哋無得坐喎   唔好咁自私嘛 ~

食完就去 Crabtree 換 Hand Cream   之後再行一陣   再去馬莎睇下嘢   本來里奧大人只買 1 條褲同 1 副超   我就買 1 條 One Piece   但後尾知道有 7 折好吸引   所以分頭行事   行下睇下試下   原來磨咗兩個幾鐘喇   唔怪得我條腰開始痛啦 ~

里奧大人買咗 2 條褲  + 1 副超 + 1 件裇衫   我就買 1 條 One Piece + 1 條厚絲襪褲, + 2 Pack 底底  + 1 支香水 + 4 支 Body Cream   總共 $2,277  折咗之後就 $1,594   咁就抵喇   如果可以買到係特價就仲抵囉   好似我咁   本來條 One Piece 係 $699  之後減呀減   減到 $199 再有 7 折   即係 $140   呢個價錢喺出面啲 Boutique 都買唔到呀   所以買到平嘢真憬好好心啦   同埋馬莎啲質素真係好唔錯   可以着好耐   咁都抵番啦 ~

5 點半先走   番屋企擺低啲嘢就去吉野家喇   我勁想打邊爐呀 ~

因為覺得底底好抵   所以我話食完要去馬莎再買   咁經過 Zara 又睇下   咁我買咗件 Tee   只係 $69 咋   質料好舒服   着嚟行山就一流喇   咁到排隊比錢嘅時候   里奧大人話件衫幾十蚊就叫我自己比得啦   佢行去睇其他嘢   嗰下先發覺佢真係好好   因為平時我買嘢   驚我無錢   佢實陪我排隊簽卡比錢   但見銀碼細就唔需要特登簽卡嘛   不過最後佢都嚟比錢   唔係覺得要我比錢會內疚呀嘛   哈哈 ~   
        
買完再去馬莎喇   里奧大人買咗 2 Pack 襪   我再買 2 Pack 底底   總共 $768   折咗之後就 $550   平咗 $218 呀   勁開心 ~

番到屋企都 8 點半喇   開機洗衫之後沖涼   之後一齊 Hea 住睇錄咗嘅戲   差唔多 11 點幾先瞓 ~