小夏威夷徑 + 金雞去骨海南雞專門店 @ 西貢 (PART 2/2) ( 3-APR-2016 )

PART 2/2 

3 點 15 分左右行完 lu   出番去寶琳地鐵站   再坐小巴去西貢呢 ~

見到地鐵站標誌就開心喇   感覺好似好快到咁  

3 點半企喺小巴站等小巴   最終都係行番去新都城總站坐車   我地覺得行呢條路仲辛苦過行小夏威夷徑呀   可能攰啦   4 點 10 分到小巴站   5 分鐘後等齊人就開車   等車都用咗 45 分鐘   唉 ~

因為行到半路見到對面去西貢嘅小巴經過   咁即過 Subway 行去小巴站喇   等呀等   等咗 15 分鐘   終於有車   我頂   得 1 個位   咁我話行番去寶琳站啦   勁攰     

勁攰呀   喺小巴度瞓着咗   之後里奧大人都瞓咗   最搞笑佢話起身一望   前面同左邊嘅人都係瞓哂覺   可能全車都瞓緊覺添呀   哈哈 ~ 

5 點左右到西貢   第一件事食菠蘿包   因為上次 6 點已經賣哂喇   咁一路食一路等阿 mi   因為佢話今晚會嚟西貢市中心   不過最後佢都無小巴出嚟   所以轉場去黃大仙   叫我哋唔好等佢呢 ~

好飽呀   之後周圍行下 ~   

去過幾次西貢   都唔知原來有條咁正嘅街道  

好多餐廳   睇下 Menu 正唔正   哈哈     

又再繼續行  

菜檔 / 生果檔 

好多人幫襯 

行呀行

橫街窄巷  

"橫街" 嘅字體好得意

唔知點玩嘅呢 ?! 

行到差唔多 7 點就食飯   食完又周圍行   8 點 15 分就坐小巴番屋企 lu ~

去呢間金雞食晚飯   坐嘅位置好迫   同埋唔夠冷氣   之後阿 mi 話打比我哋都聽唔到電話   我先知原來我哋坐嘅位置係收唔到囉   等我仲 Send 信息添   原來係收唔到   但有時又 Send 到喎   里奧大人係直頭收唔到添呀

金雞二人餐 ($168)
住家靚湯 2 碗 + 飲品 2 杯 - 應該係南瓜湯   好甜呀   又熱辣辣   最鍾意飲熱湯   

滷水汁時菜 

雞油飯 2 碗 ~ OK 啦  

招牌去骨海南雞 (半隻) - 好滑喎 

醬汁就麻麻哋   辣汁唔辣

馳名香煎手剁咸魚蓉肉餅 - 睇食評話好味   果然好味   鹹鹹香香又煎到脆卜卜    

食飽當然要散步啦   同埋里奧大人話咁飽唔可以坐車呢 ~  

我叫里奧大人幫我影後面   感覺望住個海好舒服咁啦   佢話好恐怖喎   我以為話個海黑媽媽啦   點知佢話我好似想跳海咁   哈哈  

我話我一陣又睇 "Do 姐有問題"   里奧大人好大反應話又睇 ?!   仲話我應該接手亞視呀   重播又重播   哈哈哈哈 ~

9 點番到屋企啦   成身立黐黐   真係咩都唔做就即去沖涼喇 ~

真係唔好講笑   今日都幾攰   可以出咗一身汗呀   所以 11 點幾瞓喇 ~