肉絲炒麵 ( 5-APR-2016 )

( 5-APR-2016  TUE )

尋晚勁熱呀  開住風扇瞓都唔得   最後要開冷氣先瞓到   但都瞓得唔好   完全好似無瞓過咁 ~

早餐同 8 卦一齊食   不過我都無 Mood 傾偈   好鬼攰呢   哈哈 ~

菇場唔忙   但之後又要做 report 喇   不過大粒唔喺度   所以唔做住 ~

Lunch 食麥皮   呢排食得太多嘢   所以晏晝食清啲好 ~

仍然走似行屍   真係勁想瞓囉   所以即做 Report 啦   有啲嘢做無咁悶   同埋唔想心掛掛   雖然對住啲數字對眼好攰   但長痛不如短痛   做埋去啦 ~

放工諗住去泰昌買特價包   但只見到 $12/2 個   優惠時間至 18:00   咁我問 Cashier 係咪無咗 $16/4 個特價包 ?!   佢話未夠鐘   6 點先開始   呵呵   原來我早得滯   咁周圍行下   等夠鐘先買啦   買完就番屋企 lu ~

勁鬼攰   又有啲餓   所以飲碗湯先   之後開機洗衫   再煲麥茶比里奧大人聽朝上大陸飲   唔想佢成日飲支裝參蜜 ~

差唔多 7 點就煮嘢   里奧大人今晚要過灣仔整嘢   佢 8 點幾先番到屋企   所以我早啲煮   早啲沖涼   之後先再食嘢呢 ~

是日懶餐 - 肉絲炒麵

肉絲炒麵 - 用鮑魚骨啲肉切絲   估唔到好味喎   完全唔韌   咁下次都買鮑魚骨喇 ~

里奧大人飲完碗湯之後就成身汗   但我話唔係咁熱喎   可能我沖完涼   之後佢摸我手腎幾次   佢可能驚我病呀   因為無理由佢仲熱過我   之後佢都話驚佢似病多啲呀   哈哈 ~

佢沖埋涼   抖咗陣   10 點半話瞓覺   咁我都瞓喇   因為我都超過攰   之後我話今晚凍咗喎   佢話唔覺   同埋佢原來已經開埋冷氣   係咪熱得咁緊要呀 ~