小夏威夷徑 + 金雞去骨海南雞專門店 @ 西貢 (PART 1/2) ( 3-APR-2016 )

( 3-APR-2016  SUN )

今朝 9 點半起身喇   瞓咗 6 個半鐘   好在都 OK 精神   感恩 ~

食完早餐就番屋企沖涼   我今日有事奉   所以早啲番教會 ~

里奧大人想去小夏威夷徑   難得聽日假期可以休息   所以想出去走走囉   感恩佢都精神呢 ~
   
咁崇拜完之後就買蚊怕水   之後我覺得餓呀   所以去泰昌買雞批   再買多 2 個麵包   番到屋企即換鞋   之後里奧大人話食埋雞批先走   新鮮熱辣好好味呀   我食完真係覺得精神啲㗎 ~   

去小夏威夷要搭地鐵去鑽石山再坐巴士到井欄樹   但因為已經 1 點 45 分   所以我地打的去井欄樹   快好多呀   同埋只係 $50   轉兩程車其實每人都十幾蚊   咁同依家坐的士都差唔多錢 ~

司機好好人   佢好驚訝我地咁晏先去行山   仲叫我哋小心啲   唔好行得太夜   依家治安唔好 ~

好在巴士站可以停車   唔係就驚落錯車了 

行 Subway 過對面

里奧大人影低留為記錄   只有佢睇得明   哈哈   咁我 Load 相嘅時候   以為佢按錯制呀  

直行 

去澳頭村

跟住佢哋

我鍾意咁影  

仍然行緊去澳頭村方向    

開始行去小夏威夷徑喇   今日都幾焗熱  

全部綠色   好舒服呀 

有小溪澗

唔知里奧大人企喺邊度影嘅呢      

炮仗花 ?! 

好似指天椒

全副裝備踩單車   我覺得踩單車係危險㗎   可能我試過踩大怪獸   同男同學一齊特登踩啲凹凸不平嘅地   踩呀踩   衝呀衝   點知反車   嚇鬼死我哋   好在無爆缸同毀容咋   所以自此之後我唔敢玩啦   咁同樣地   我都唔比里奧大人玩㗎   哈哈   佢同所有人講   話佢老婆話踩單車係高危活動喎

見到 W 031 就行啱路喇

欄杆都佈滿青苔

繼續行

其實真係好好行   哈哈   因為係平路   又安全呢     

澳頭村 

向左手邊行就係澳頭村  

朵花好得意呀

一直行   

鍾意影花花草草    

去小夏威夷徑喇 

指示牌隔離有間屋   我聽到微微嘅音樂聲   

石級刻咗啲 字   好似好恐怖咁 

輕輕鬆鬆行呀行   但就熱咗啲咁囉   哈哈  

乜都望下   有時會見到好得意嘅葉同花呢   

我覺得好靚呀

最鍾意呢啲 Colorful 嘅花仔   阿 mi 話過我知係叫咩嘢花   但我唔記得添

落緊小斜路  

又繼續向前行 lu 

我鍾意行呢啲凹凹凸凸嘅路㗎   無咁悶嘛   好記得果時考牌之後   揸車入隧道   悶到呢   之後行番啲石路   架車 "鄧鄧" 下   當堂精神哂   同糟糟講啦   佢話我黐線   好傷車㗎   哈哈  鬼知咩 

再行多 5 分鐘就呢啲石路   估唔到都有啲跣呀     

因為跣   所以行狗路   里奧大人問咩叫狗路   我話見人帶狗   多數行埋邊啲平路   所以我叫狗路囉   哈哈

我好鍾意啡紅色樹葉

零零舍舍一塊綠葉 

成日有蝴蝶飛來飛去   勁驚   之後隻蝴蝶飛咗落地

又有小溪澗  

2 點 50 分   去到唔知邊度喇  

企喺度影相留念   發覺有個洞口   通窿㗎

影張相先   

叫阿奧又玩下

好似我影得好睇啲   哈哈  

呢度係蓮苑台 ?! 

同里奧大人講話塊樹葉好靚呀  

之後 Load 相見到呢張相   佢知我鍾意   所以一定會影低呢     

開始天黑咁款喎 

再繼續行

里奧大人係都要我企喺度影   影完又喺度笑   原來如此

行去睇瀑布

得咁咋 ?!

行番上去 lu

雖然我係路盲   但都唔會行去 "小夏威夷徑" 呢個方向呢   哈哈

人狗抖一抖   里奧大人係都要我坐呀   驚我攰    

兩隻狗仔   係都黐住我隻腳嚟行入去呢   好得意

出去寶琳喇       

突然有隻大公仔   好陰森恐怖呀  

到地面喇  

呢日未完㗎 ^^