Pizza Hut @ 九龍灣 ( 8-APR-2016 )

至尊二人套餐 ($262/Pizza Card 折實價)
超級至尊 (薄批) - 少咗好多料喎   

西西里肉丸意粉 - 啲意粉少到呢   我估得 3 小撮   因為我夾咗 1 撮   切碎加埋得 6 條到咋   真係好 Cheap   

周打蜆肉湯 - 今次多咗蜆肉呀   

( 8-APR-2016  FRI )

又 Happy Friday 咯   人哋聽日 Off 嘅就一定 Happy 囉   我就半 Happy 咁啦   哈哈 ~

早餐同 8 卦食嘛   一坐低就問政治嘢   好在我一嘢 KO 佢   好心啦   做人將心比己   自己都會咁做嘅話   就唔好同我講話人哋咁做啱唔啱啦   我最憎 ~

菇場忙下停下   咁就好喇   唔駛咁悶   有時太 Hea   真係覺得自己之後做番   反應都遲鈍啲咁 ~

食埋 Lunch Box 就出去行喇   行兩個大圈就番菇場 lu ~

仍然忙下停下   今日有人請食下午茶   但 5 點先到   所以食完都差唔多放工   爽 ~

放工去探媽咪   佢一見我入門口   就即叫工人收埋包蛋散   其實工人都唔知咩事   所以有時做衰嘢   唔好以為無人知囉   我都係同番佢講   唔驚死就去食啦   最多入醫院   無問題㗎 ~

之後佢都有同我傾下偈   又成日問叫我拎啲魚   佢都係好想我要嘅   咁我話一陣先拎   唔記得拎就留番比佢自己食囉   唔駛又出去買嘛 ~

佢依家限水家嘛   又係都要飲果汁   工人話今日已經飲咗 1 包㗎喇   我唔比佢飲   過咗陣又話飲   講到我發火   之後話飲半包啦   我火都嚟話可唔可以咁煩呀   一陣飲到糖尿病就煩啦   已經咁懶又唔郁   應該腳都要切埋㗎喇 ~

咁我坐到 7 點半走喇   之後見佢要滴眼藥水   問佢咩又唔知   真係黐黐哋   正常點都要問點解要滴家嘛   人哋叫妳就滴   之後我話囉   對眼無事無啦啦滴藥水會盲㗎   再加多句   是鬼但啦   盲咗就算   反正佢都唔理   由得佢盲 ~

其實我真係唔衰唔講㗎   因為激到我好慶   喉嚨又谷住   所以我應該都唔再睇佢住   一星期食一次飯就好足夠   大佬   睇完佢   佢又覺得我煩   我又勞氣   佢自己唔珍惜就算   我做咗自己本份   問心無愧 ~

有時自己太激氣   都會即事諗番佢啲好嘢   咁條氣都順啲   不過依家覺得佢樣樣都唔珍惜   比我感覺係好很煩   我唔理得佢咁多㗎   但唔好話我唔理佢   家姐成日覺得得閒睇佢就係好   真係唔明佢咩心態   坐喺度望住叫好 ?!   佢話食咩就比咩就叫好 ?!   我好認同里奧大人講話因為家姐都係咁嘅人   有事就只靠藥   覺得醫生開嘅藥先有效   唔會話改善下飲食   做下運動咁㗎喎   所以佢就會就哂媽咪   其實比佢累死   不過我唔理啦   媽咪大家都有份   我唔比媽咪食就覺得我衰   講真   到時媽咪有事   佢要負好大責任   個個醫生同護士都叫佢食清啲   妳兩條友又唔聽 ~

今晚里奧大人 8 點 15 分先放工呀   所以我番到屋企抖陣   之後再落去 Pizza Hut   其實我覺得 Pizza Hut 貴得嚟又唔好食   但佢講咗幾次食 Pizza 㗎喇   所以點都同佢食呢   哈哈 ~

番到屋企都 9 點幾   拿拿聲沖涼喇   我次次食到飽都可以去沖涼   里奧大人問我會唔會有嘔嘅感覺   我話無喎 ~

無啦啦又頭暈   唔知係咪頭先激氣得滯   但就一定唔關沖涼事囉   因為我晏晝嘅時候都有啲暈呢 ~

今晚 "Do 姐有問題" 係最後一晚喇   無得笑 lu   好在錄哂咁多集   可以間唔中睇番   笑下都好 ~

11 點幾瞓喇   聽日要番工 ~