蜜汁焗叉燒 + 菠菜 ( 2-JAN-2018 )

我策略係無錯   咁樣整碟頭飯   里奧大人真係食哂成碟飯   呢度有一碗飯㗎   如果用碗裝出來   佢第一句就一定話: 咁多飯   我食好少飯       



第一次咁整薑蓉   原來薑蓉好易整   下次會再整   哈哈   



( 2-JAN-2018  TUE )

今朝天氣唔係咁好咁噃   灰灰暗暗   不過絕對影響唔到我心情   因為我同自己講   新一年每日都要開開心心   日日正能量爆發   哈哈哈哈 ~

早餐食腿蛋治烘底   好味好味   咩都要話好味 ~

菇場忙咗陣   之後就 Load 相了 ~

終於可以用呢個 Calendar 喇   日日番工都見到佢哋   所以番工係好開心呢   哈哈  



Calendar 對我好重要㗎   好多嘢都要鳩寫低   唔係好易唔記得

里奧大人喺淘寶買比我㗎   成百蚊人仔   我覺得貴呀   但如果做嘢就用唔到佢囉   因為無可能單手做嘢嘛   哈哈   講出來都無人信   番工要着毛毛鞋 暖手器 暖水袋同厚披肩保暖

Lunch Time 唔餓   咁去買麵包比里奧大人做早餐   買完行多陣就番菇場食健康餐 lu ~

又係忙咗陣   之後又可以 Hea   今日仍然有 Holiday Mood   好在無咩嘢做咋   哈哈 ~

放工即走   番到屋企就預備晚餐   今晚焗嘢   要用好多時間呢 ~

見焗緊嘢要等   咁唔嘥時間   一於拖埋個地   拖完啱啱好又要再焗嘢 ~

里奧大人 6 點 45 分放工   7 點 10 分已經番到屋企   感恩感恩 ~

是日懶餐 蜜汁焗叉燒 + 菠菜

蜜汁焗叉燒 - 買咗 1 斤多啲五花腩   其實都唔記得係咩部位   因為我同豬肉佬話要肥嘅五花腩   佢就問係咪整叉燒 ?!   之後唔知切咗邊嚿肉   話 $58/斤   呢到 1 斤鬆啲咁咋   咁今次試下用麥芽糖啦   但仍然做唔到蜜汁效果   哈哈   里奧大人話啲叉燒都係鞋   但肥嘅部份就好味   我咪話豬肉佬呃我囉   話話呢啲肉做叉燒一流   嗚嗚   下次都係超肥嘅梅頭   咁應該會好味道 ~ 

菠菜 - 原來可以買半斤架   咁就好喇   唔駛次次買 1 斤又要食 2 餐 ~

今晚好攰   所以洗完碗就沖涼   唔去徑步喇 ~



之後開機洗衫就休息   都唔熨衫添呀   等埋呢機一次過熨 ~

里奧大人聽朝上大陸 2 晚   所以 10 點幾都瞓   我有時會放個暖水袋喺被竇   咁瞓起上嚟舒服啲   但前晚無放   里奧大人話仲以為我放咗   因為覺得凍   咁我今晚一定記得放啦   點知佢上到床就話做咩放暖水袋 ?!   其實今晚唔需要   之後我話尋晚你話想放家嘛   我咪放囉   之後佢大笑   頂佢   玩嘢咩   哈哈哈哈 ~

我 11 點都瞓喇   好眼瞓 ~