2018年1月1日星期一

粟米墨魚餅 + 海底椰紅蘿蔔粟米豬骨湯 ( 1-JAN-2018 )






( 1-JAN-2018  MON )

今日係新嘅一年   仲要係一月一日星期一   好難得呀 ~

瞓到 9 點半都醒喇   咁去食早餐 lu ~








食完就去買餸   里奧大人就做公司嘢呢   佢話唔好意思陪唔到我   我話工作緊要啦 ~

買咗個幾鐘   慢慢行嘛   難得唔多人   之後里奧大人打嚟問我去咗邊 ?!   話好少見我咁耐喎   哈哈哈哈 ~

番到屋企都成 12 點   擺好哂啲嘢就執廚櫃   之後就大清潔廁所   搞掂嗮就沖涼洗頭喇 ~

差唔多 3 點就食下午茶   因為我好餓呀   今日體力勞動比較大   哈哈 ~





食完就番屋企煲湯啦   搞掂就熨衫   之後去超市買柱候醬同麥芽糖   記錯今日係 2 號   以為買滿 $100 有 92 折   好在無啦啦心血來潮問 Cashier 有無 92 折咋   佢話 2 號先有   嘩   好在真係問一問   因為我特登買夠百幾蚊家先有折嘛   唉   最後又要將買嘅嘢放回原位   好攰呀   哈哈哈哈 ~

里奧大人又打嚟問我喺邊   又話點解咁耐嘅 ?!   今日佢咩事咁關心我呀  哈哈 ~

6 點左右飲湯   7 點 15 分開餐 ~

是日懶餐 - 粟米墨魚餅 + 海底椰紅蘿蔔粟米豬骨湯 

粟米墨魚餅 - 新一年新開始   所以整個新餸   里奧大人鍾意食呀   食咗 5 粒   其實食墨魚滑好過食鯪魚滑   因為無咁腥   同埋呢度 $20 都抵食   咁依家家姐同里奧大人一見我食粟米   就好自然叫我唔好食咁多   知我胃唔好   真係次次都係咁講   不過我都係用咗 1/5 條之嘛   烚熟再釀入去   咁唔驚啲粟米唔熟呢 ~

海底椰紅蘿蔔粟米豬骨湯 - 海底椰要 $20 一包   之前另一間 $18 咋   咁再買多 2 條紅蘿蔔 + 2 條粟米 + $35 西施骨   依家唔想嘥嘢   所以好多煲湯料都唔會買大大條呢 ~   

洗埋碗都差唔多 8 點幾   抖都唔抖就去徑步   里奧大人驚我攰   咁日行咗咁多路   我話買嘢行路就攰   但專注咁徑步係唔會攰架噃 ~

徑半個鐘都 9 點   要番屋企沖涼啦   順便開機洗衫 ~

之後一齊食生果   再睇埋無心法師二   家姐好鍾意睇㗎   佢同里奧大人成日都提我睇   好搞笑 ~




呵呵   11 點居然有睡意   所以即刻去瞓覺喇 ~

沒有留言:

發佈留言