蒜泥白肉 & 拍青瓜 + 鮮蝦水餃拚雲吞 (外賣) + 炸魚皮 (外賣) ( 14-JAN-2018 )

( 14-JAN-2018  SUN )

今朝 10 點起身   個人真係唔多舒服咁添   因為沖咗熱水涼都覺好凍 ~

又去 Toast Box 食早餐   原來有煙肉蛋三文治 + 蕃茄通粉套餐   咁就試下新嘢   哈哈 ~



呢個蕃茄湯好味道呀



食完就番教會喇   但我崇拜完畢就要開會   咁里奧大人就去 CSL 買旅遊卡 ~

之後又話買部 LG V30 比我   咁我開緊會嘛   我話叫佢話事啦   覺得抵先買囉 ~

1 點開到 2 點 10 分   里奧大人又啱啱搞掂   咁一齊去食下午茶 ~

我飲熱珍珠奶茶   里奧大人覺得好奇怪   話我居然唔飲凍珍珠奶茶

食完再去 Living Plaza 買 5 個膠兜   再去埋 Uncle Fong 買 Muffin 比家姐   之後番屋企喇 ~

咁問里奧大人做咩送部手機比我 ?!   佢話個 Plan 咁咁咁   所以機價只係 $2,730   就送部手機比我囉   因為之前我成日想買手機嘛   但 8千蚊一部手機   我一定唔會買囉 ~

唉   個頭開始有啲赤   又流鼻水   所以即食粒 Panadol 喇   真係唔想病 ~

咁家姐頭先又話買炸蒜比我   之後又買埋水餃 雲吞 炸魚皮   仲幫我買咗包元貝仔   次次一講話要啲咩   佢就會幫我睇   我話唔急佢又唔信喎   唉 ~

差唔多 4 點幾落樓同家姐交收    番到屋企即放低啲嘢啦   但唔見炸蒜喎   咁即 Whatsapp 比家姐   佢話唔記得買呀原來   之後又話依家可以即去新都城買番比我   我話我唔急喎   只係驚頭先漏咗喺車度咋   如果佢未番到屋企   可以兜翻轉頭之嘛 ~    

佢番到屋企又打嚟問係咪其實今晚想食炸蒜   因為買咗水餃   唔好呃佢喎   佢話佢可以即刻去買番   之後再拎比我    又同我講對唔住   我話真係唔係想食喎   今朝問我   我都話唔要㗎啦   但妳話要買比我食之嘛   但家姐今次真係好搞笑囉   佢重點係想買炸蒜比我   反而唔記得   哈哈 ~

6 點飲湯   飲完就預備晚餐   但 7 點先開得餐 ~

是日晚餐 - 蒜泥白肉 & 拍青瓜 + 鮮蝦水餃拚雲吞 (外賣) + 炸魚皮 (外賣)

蒜泥白肉 & 拍青瓜 - 我用豚肉嘛   原來勁難包住青瓜片   真係勁想放棄   但又唔想   所以最後決定求其包啦   嘩哈哈   買咗 2 條青瓜   但又包剩好多   咁剩番就整拍青瓜啦   唔好嘥嘛 ~

鮮蝦水餃拚雲吞 (外賣) - 家姐幫我每樣買半打   佢呢檔都好味㗎 ~

炸魚皮 (外賣) - 家姐話 $80/斤   呢度 $30   但佢拎咗 10 條左右   不過我都食唔哂   要留番聽晚 ~

搞掂哂就抖陣   8 點半同里奧大人去徑步   徑咗 35 分鐘   夠皮喇   今晚都幾攰   哈哈 ~

沖埋涼就食生果   之後休息喇 ~

之前出旺角   有人派呢杯嘢   不過唔好味道   哈哈

今晚 11 點半要瞓 lu   算早㗎喇   哈哈 ~