2018年1月25日星期四

蒜芹炒米粉 ( 25-JAN-2018 )






( 25-JAN-2018  THU )

個天又係灰灰暗暗   真係無咩心機咁囉 ~

早餐同 8 卦試新嘢   之後應該唔會再黎食   哈哈哈哈    都話佢啦   日日話試   依家試咗又話唔會再黎   麻鬼煩 @@



菇場忙呀   要盡全力清哂溫總 d 嘢   真係想每晚瞓得好   唔駛成日記得要做 ~

今朝全程唔攰喎   所以做嘢好有衝勁 ~

Lunch time 未餓   咁出去行陣   到 1 點先去食嘢 ~

魚片頭少河多蔥腩汁   死 8 卦成日話我麻鬼煩   哈 ~



今日全日都唔眼瞓   係咪因為真係早午餐都食飽呢 ?!?!   但平時唔餓   食多士都夠飽喎   但就唔會話有氣力果隻囉   聽日再試米粉餐做早餐先 ~

定係今日車神搬咗位   唔駛成日聽佢安排司機做老闆 d 私人嘢呢 ?!?!   佢坐咗喺我隔離個幾月   我日日聽佢安排司機點點點   呢 d 唔係老秘做嘅嘢   而係助手做嘅嘢   我好少聽佢安排司機做公事囉   99.8%係私事   已經有 2 個司機喇喎   但估唔到連小朋友 d 食飯餐單都要佢幫手揀囉   救命   同佢傾開計   佢都話未必做得長   因為老闆係 " 唔駛急....最緊要快" ~

8 卦次次入老闆房都係幾乎跑入去咁   我話駛唔駛跑呀 ?!?!   佢即話有次佢上廠   個同事行去拎辦比老闆   佢話老闆喝個同事   你係要跑   唔係要行   呢下堅喎 ~

仲有好多怪嘢   真係唔講唔知   所以老闆番咗來香港   跟佢地果 d 先慘呢 ~

咁我要拚命做埋 d 嘢   5 點 25 分終於搞掂哂一 間公司   仲有另一間就要聽日做喇 ~~~~

放工番屋企   又唔餓   所以 6 點半就去徑步   徑半個鐘就番屋企煮嘢食 ~

今晚里奧大人要喺大陸同阿頭 & 同事食飯   咁我又要自己食 lu ~

是日懶餐 - 蒜芹炒米粉  

蒜芹炒米粉 - 我勁愛蒜芹架   就咁齋炒米粉已經勁好味   2 扎加埋只係 $5 咋 ~

食完抖陣都 8 點幾   沖埋涼再敷 mask   之後熨 2 機衫   搞掂哂就休息了 ~

里奧大人 11 點幾先番到屋企   咁傾下計   成 12 點先瞓   之後佢先沖涼 ~

2 則留言: