2018年1月28日星期日

翠華餐廳 @ 香港國際機場 ( 28-JAN-2018 )

又食蝦仁喇   所以依家絕對肯定係佢覺得食蝦勁有益



炸醬麵 x 2



x 2



魚片頭湯河 x 2



( 28-JAN-2018  SUN )

今朝 10 點起身   但其實次次都係里奧大人起身先   佢搞掂哂就會叫我起身呢 ~

短頭髮真係勁方便   所以基本上我係快過里奧大人搞掂   因為佢要剃鬚同 jel 頭   我只係搽 cream 最耐   但呢排咁凍   短頭髮真係好易攝親囉   所以一定要帶大披肩   即係又多一樣嘢拎 ~

諗住去另一間新開嘅餐廳食早餐   但去到門口位置都覺得焗   已經開咗門添喎   咁坐入去咪仲焗 ?!?!   所以里奧大人話去另一間食 lu ~

今次又試一間新嘢   真係唔明點解   氣溫降低咗少少   咁就唔開冷氣咁   大佬   人流一樣係咁多家嘛   焗都會病架 @@





食完就番教會   依家好比心機聽道   因為靈命真係無成長過咁   唉 ~

崇拜完畢就去德福行下   之後再食 d 嘢 ~



咁買咗杯百香果蜂蜜加珍珠   我飲第一啖   里奧大人正想落扶手電梯   我即刻扯番佢上來   因為我話無珍珠呀   咁叫里奧大人再飲   佢都話無   因為正路第一啖係已經啜到珍珠   咁拎番去加珍珠啦   果個職員都話佢唔記得加珍珠 @@

如果呢杯係里奧大人一個人飲   而佢都加咗珍珠   我估佢飲到最後先會發覺無珍珠囉 ~~~~

同里奧大人買埋對波鞋就去姑奶屋企   今日去送機呀 ~

打的去機場   4 個人去機場嘅話   真係打的好過 ~

Check-in 搞掂就去食嘢   咁啱 2 姑奶兩公婆都到咗   咁一齊去翠華啦 ~~~~

6 點 35 分機   但 5 點 20 分要到閘口   我地就話奇怪囉   早成個幾鐘 @@      

5 點都埋單走人喇   晴晴 Daddy 離境嘅時候有問題呀   話 boarding pass 同 passport 個名唔同   同我嬸嬸一樣   嬸嬸係因為 space 位問題   但佢就係因為澳洲只打 2 組字問題   咁華人好多都係 3 組字家嘛   不過又教精咗佢地   一定要 check 下自己個名   哈哈 ~

搞掂哂又再次離境   咁 2 姑奶就車我地番屋企   去到隧道口比錢   無啦啦話架車壞咗   好在最後撻番着咋   有驚無險 ~   
   
晴晴 Daddy 打來話差唔多起飛喇   佢係最後一個上機   但當時只係 5 點 55 分   早咗成 40 分鐘開機呀 ~~~~~~

番到屋企都 6 點幾   又唔餓   咁里奧大人做公司嘢   我就抖下   7 點半去徑步   徑半個鐘就番屋企   因為條街好凍   哈 ~

呢件淘寶買架   着咗 3 次已經嚴重起毛粒   四十蚊人仔就係咁嘅質素   呵呵



不過唔緊要   淘咗個強勁去毛粒機   搓幾搓就無哂無啦   勁呀呢   呢個毛粒機要成百蚊人仔架   算大手筆架喇   哈哈  



沖埋涼就休息   里奧大人就搞掂埋少少手尾就可以休息   原來都 9 點幾   要拿拿聲食埋 d 雞肉乾喇   但里奧大人話要食個杯麵   咁同佢 share 啦 ~

姑奶頭先喺林珍香買嘅雞肉乾   食過幾次   其實呢個品牌 d 肉乾唔係好食囉



好少咁夜咁食法   所以點攰都要等到 11 點先瞓   呢排咁凍   都真係會好早瞓呢 ~

2 則留言:

  1. 家嫂 可能他知道你中意吃 刻意叫给你吃啊 很爱你呢 :) hahahah

    回覆刪除
    回覆
    1. 嘩哈哈哈 客氣客氣 留番比妳~~~~

      刪除