極品海南雞 + 香煎手刴魚香肉餅 + 味菜腎片 + 翠綠時菜 + 雞油香飯 (外賣) @ 屋企 ( 14-JUL-2022 )

極品海南雞 (半隻) - 呢個係套餐 ($218 外賣有9折)   仲有汽水 x 2 + 雪米糍 x 2

香煎手刴魚香肉餅 - 里奧大人好鍾意食   次次都要叫呢個餸

味菜腎片 - 里奧大人自己揀   佢話唔記得上次食咩小食   哈哈

雞油香飯 - 留番大半碗比里奧大人帶飯

翠綠時菜

綠豆沙 (熱)

( 14-JUL-2022  THU )

尋晚瞓到半夜熱醒   我仲以為係發夢   今朝里奧大人都話熱醒   但後尾又凍醒   咁我都好啲   抹完汗可以即刻瞓番 ~

早餐食火腿扒芝士包   今朝又早咗落車   所以就行遠啲買早餐喇 ~

菇場唔忙   呢排好攰咁   加上菇場又靜   好在同阿花 Whatsapp   傾下傾下好快到 Lunch Time ~

去 Circle K 買樽裝藍山咖啡   里奧大人話好飲   咁我又可以用埋消息劵嘅 5 元優惠   因為好難得 1 張單係 $20   不過我都只係買咗 6 支   因為無貨   希望聽日有啦   好想用埋最後 1 張呀   哈哈 ~

好鬼重呀   加上又係凍咖啡   所以都唔再行喇   快快手買燒賣腸粉番菇場   阿齋都話我做咩咁早番嚟 ~

好似幾好味咁   所以又買嚟試下

仍然唔忙呀   繼續同阿花 Whatsapp   因為我話好眼瞓   佢話佢都係   里奧大人頭先都要瞓陣晏覺   8 卦又要飲凍嘢提神   唔通天氣真係熱得滯所以咁樣 ?!

阿花叫我睇講鬼故嘅片   我話日光日白睇都可以   夜晚番屋企睇就好驚囉   佢話佢都係咁   如果睇得多   連搭 lift 都驚呀   哈哈   我話家姐就大膽啲   會自己一個睇鬼片 ~

里奧大人今晚去剪髮   所以話要買晚餐番屋企食   唔要我煮飯喎 ~

放工就去買糖水   番到屋企都即沖涼等食   之後里奧大人都番到   等埋佢沖完涼先食 ~

8 點幾開始睇 "盡情吃 用力愛"   今集就好緊張喇   睇到有啲心寒   哈哈 ~

今晚 10 點 45 分都自己瞓覺先喇   呢排真係好攰咁呢 ~