豚肉醬油味湯底 ($28) - 試下新嘢 因為家姐平時打邊爐係芫茜皮蛋湯底 所以佢應該覺得沙爹比較濃味 問番佢 佢都真係話沙爹太濃 寧願呢個湯底 家姐鍾意蘸麻醬加指天椒 我都鍾意 但同里奧大人兩個食就唔會特登整比自己囉
泰國蟹捧 - 特登買比家姐㗎 佢超級鍾意食 咁我就比咗張蟹柳食譜整嘅相比佢睇 佢以為我整呀 里奧大人都話奇怪無食過咁嘅 我話都唔係我整嘅 之後佢哋啤住我 但我真係從來無話係我整喎 呵呵
牛板腱 - 今次買夠 $100 家姐以為係豚肉 可能我之前食過 但我話依家覺得牛板腱好味啲 好在醒起未拎哂出嚟咋 唔係又有排食了
水魷 & 牛柏葉 - 呢度買咗 $75 家姐都鍾意食水魷 但今次食唔哂 最搞笑家姐話食剩就整沙爹魷魚 估唔到佢又諗到咁整
韓國廣島蠔 - 估唔到家姐話鍾意食 因為姐夫唔食呢
蝦滑 - 買咗 $30 定家姐鍾意食呀
鳳城水餃 - 家姐以為係買咗兩款唔同嘅餃 因為有啲好脹卜卜咁
炸魚皮 - 我同家姐鍾意食厚身啲嘅炸魚皮 里奧大人就鍾意食薄身 家姐話咁就唔係炸魚皮啦 係都要串下里奧大人
雜丸 - 家姐話第一次食芋頭條 我話好味㗎 但就唔可以食太多 會好滯的
芒果糯米糍 - 我同家姐都覺個皮唔夠煙韌 但里奧大人話鍾意咁嘅口感 佢食咗 3 件 不過佢話似食芒果多啲 因為個皮好薄 哈哈哈哈
蕃薯餅 - 又比我見到喇 所以買 3 件 家姐都話煙韌呀
( 25-MAR-2023 SAT )
今朝 8 點起身 咁我差唔多出門口嘅時候 里奧大人話陪我食早餐之後再瞓 我話約咗家姐呀 之後佢話以為我要番工 哈哈 ~
我買埋早餐 差唔多 9 點 45 分就到家姐屋企喇 ~
Berry 懶熱情咁係咁撲我 佢企起上嚟都到我心口咁滯 諗起家姐初初話諗住養洛威拿㗎 我話只會喺佢出世後 3 個月先去妳屋企囉 之後唔會去囉 大佬呀 洛威拿咁巨型 容乜易咬死我呀 同埋我真係好驚呢啲大狗囉 ~
工人問先生呢 ?! 我真係諗緊講咩 ?! 之後先醒起係講里奧大人 可能對上兩次一齊嚟 以為之後都係咁呢 ~
惡夢開始 哈哈哈哈
駛唔駛咁望我呀
唔比我入房 ?!
整呢樣嗰樣 差唔多 10 點先食早餐 Berry 就呢埋喺梳化底 真係奇奇怪怪 哈哈 ~
半個身伸咗出嚟
到我食完就用零食引佢 佢先坐梳化咋 ~
望都唔望
真係瞓㗎喎
大力拍都唔應我
只係眼睛郁 塊臉就無郁過 哈哈哈哈
一場嚟到 陪下我好喎
扮哂嘢
同佢影完相 佢又跳走咗 真係唔鬼理佢 咁我就睇下書啦 之後見無哂聲 因為我以為佢喺梳化底瞓嘛 但原來佢入咗房瞓 我同家姐講話 Berry 瞓妳張床嘅時間 仲多過妳自己瞓 哈哈 ~
我又來喇 哈哈哈哈
真係彩都唔彩我
我相信佢真係覺得我好煩 哈哈
又用零食引佢
之後極速瞓覺
之前家姐送個蠟筆小新嘅卡片套比我 原來係佢叫呢個 M 姐買㗎 家姐就買咗小丸子 佢同人講話佢阿妹鍾意嗰個核突嘢 咁有無蠟筆小新呀 ?! 哈哈哈哈 就係咁 M 姐送咗呢包蠟筆小新口罩比我 因為佢記得我鍾意蠟筆小新呀 好感動呢
家姐搭車又問我要唔要長洲芒果糯米糍 ?! 我話唔要 之後去到屋企附近又問要唔要芝士蛋糕 ?! 我話真係咩都唔要呀 唔想拎嘢 ~
家姐 11 點半就番到屋企 又傾下偈啦 但傾傾下 Berry 無啦啦大聲吠 嚇到我同家姐一齊彈起 真係比佢嚇到心臟病 哈哈 ~
之後同家姐換袋中袋 佢又係用袋仔分類 但有啲袋好重 所以幫佢換 換完又好似輕啲咁 不過仍然都係重 點解咁嘅呢 ~
家姐好愕然里奧大人今日放假 仲估唔到我都會嚟 咁我一早話嚟就嚟嘛 本身如果里奧大人唔攰都可能夜晚嚟一齊食飯 但佢呢排攰就唔喇 我自己早啲嚟仲好 ~
之後我叫家姐一齊食 Lunch 所以 1 點左右走人喇 ~
工人同 Berry 送我哋搭車 初初 Berry 好黐家姐 但因為就嚟落雨 所以叫工人快啲帶 Berry 行 但 Berry 點都唔行 之後家姐拖咗陣就交手比工人 佢哋就行到好遠 望都唔望我咃了 ~
保護主人
但其實係驚 哈哈哈哈
坐車傾偈 家姐問點解今次無買蕃鬼荔枝嘅 ?! 我話貴咗又細咗 同埋應該唔係當造 因為之前好多生果店都有得買㗎 ~
里奧大人要番公司一陣 所以叫佢去餐廳攞位先 ~
越式三寶飯 (豬扒+雞翼+扎肉) ($72) - 份量都唔少 雞翼同豬扒都好味
火車頭湯粉 (生牛肉+ 牛丸+ 牛展+ 牛腩+蝦丸+魚丸) ($108) - 家姐見到生牛肉 即刻話快啲浸熟佢 哈哈 其實我都會咁
家姐同里奧大人講 話工人問叫里奧大人做咩好呢 ?! 叫先生好怪 因為有兩個先生 佢可能覺得太太老公先可以叫先生 之後話叫叔叔 但話里奧大人又唔似叔叔 呢句好笑呀 里奧大人話佢真係叻 哈哈哈哈 ~
我叫家姐今晚一齊食啦 之後我話打邊爐 可以食多啲嘢 哈哈 ~
食完就送家姐搭車 我要番上屋企放低背囊先去買嘢 ~
買哂嘢就諗住整芒果糯米糍 點知無椰奶 所以又出去買 最後又去超市買埋梳打水同檸檬 我覺得家姐鍾意飲 同埋又可以消滯嘛 ~
番到屋企都要即刻整芒果糯米糍喇 里奧大人其實好鍾意食 不過兩個人食得唔多 隔夜又唔好食 所以家姐嚟就多數整呢 ~
家姐 7 點左右到 咁我都預備嘢 所以里奧大人話佢幫我接家姐嚟喇 ~
咁里奧大人負責淥嘢 我叫佢唔好夾比我住 因為我要抖下先 之後家姐話睇電視啲人都係咁 次次煮完飯會話抖下先食 我話打邊爐唔駛開爐煮嘢都無咁辛苦呢 ~
食到大半 家姐話洗咗要快啲食哂呀 我話無洗㗎喎 佢個樣好愕然 又問我牛肉呢 ?! 我話都無洗喎 家姐同里奧大人笑到流眼淚 之後再問蟹柳同蠔呢 ?! 我理直氣壯咁話所有急凍唔駛洗㗎喎 佢哋笑得更加利害 哈哈哈哈 ~
之後佢打去問糟糟 佢都話急凍唔駛洗 不過會沖一沖水 我話以前出街打邊爐 啲急凍食物真係冰嚟㗎喎 所以我就唔洗囉 ~
家姐見到蕃鬼荔枝 話之得頭先唔講 同埋知我實會買比佢 ~
今次到佢拎嘢番屋企喇 因為我買咗 3 個蕃鬼荔枝 再買 2 個皮蛋酥比姐夫 又買咗 $70 碧根果仁同佢 Share 好味先再買多啲 哈哈 ~
9 點半送家姐搭車番屋企 佢話番到屋企要打比我 我打比佢之後 我第一句就話唔係比番錢我呀嘛 估唔到佢真係比咗好多錢我哋 話係佢有 Bonus 所以比我哋 真係激鬼死我 ~
不過我話都覺得奇怪 我叫佢放低袋入房 之後我入房 佢眼神好怪咁 同埋好奇怪佢咁耐 佢肯定諗緊放咩位置好啦 因為又唔可以比我咃咁快發現 但又驚擺喺度唔見咗 真係整定比我見到佢咁 哈哈 ~
傾完就到我小清潔啦 差唔多 10 點就搞掂 ~
沖埋涼就休息 但今晚成 12 點幾先眼瞓呀 ~
沒有留言:
發佈留言