辣汁炒豬扒 + 銀絲旺 ( 14-APR-2023 )

( 14-APR-2023  FRI )

起身去廁所   之後望個鐘係 6 點   所以又倒數時間咁瞓   呢樣係最唔好   我係有壓力咁瞓㗎 ~

感恩起身都精神   本來里奧大人今日放假   但今日多嘢做都要番工   不過尋晚瞓得唔係咁好   所以瞓晏啲再番工 ~

早餐食柯華田瑞士卷   里奧大人前晚話難得見到好多味道   所以點都要買喎 ~

菇場忙呀   但 10 點幾就搞掂   之後又同阿花 Whatsppp 喇 ~

Lunch Time 出去買菜同去買萬寧買嘢   最後買埋雞翼紅薯粉就番菇場 lu ~

菇場忙下停下   阿虫又話要整個新 Report   要將 B 嘅 Report 資料加落 A 嘅 Report   我即刻話點解唔直接用 B 呢 ?!   佢話因為 A 有 95% 資料   而 B 嘅 5% 資料 Show 唔到去 A 度   所以要做手腳 ~

我真係覺得佢哋真心廢   明知一個 Report 要齊哂所有資料   做咩唔同 System 公司一早講呀 ?!?!   整哂成個 System 先話再加   仲要係喺另一個 System 度做完再去另一個 System 度 Run 出嚟   之後再 C & P   有時間都唔係咁浪費呀嘛   救命 ~

放工即走   番到屋企都即刻煮晚餐喇 ~

里奧大人原來今日都無番到公司   等我仲叫佢買卷蛋添   佢最搞笑係即刻去買   話驚無得買   之得我唔話鍾意食啦   咁樣唔駛去出街嘛 ~

是日晚餐 - 辣汁炒豬扒 + 銀絲旺

辣汁炒豬扒 - 前晚醃好   聽晚又出街   所以今晚要食   唔想擺咁耐囉 ~   

銀絲旺 - 加咗啲豬肚絲   咁樣唔駛食菜咁悶   仍都唔駛好似又食番豬肚咁悶   哈哈哈哈 ~

洗完碗就食蕃薯糖水   間唔中食都唔錯   自己煮糖水真係好鬼平   又簡單   份量又多喎 ~

食完抖陣就染髮   之後就沖涼   所以都搞到 9 點幾先休息 ~

睇下 Youtube 又 11 點鬆啲   係時候瞓覺 lu ~