怪獸多寶 (中批) + 炸雞 2 件 + 香濃鮮茄豬柳焗飯 (外賣) @ 屋企 ( 5-APR-2023 )

怪獸多寶 (中批) - 我哋都鍾意食薄批   咁樣唔駛咁飽肚

炸雞 2 件 - 雞肉都滑㗎

香濃鮮茄豬柳焗飯 - 食唔落喇   所以一半留番聽日做里奧大人飯盒   仲剩半盒就後日食埋去啦 

 ( 5-APR-2023  WED ) 

今朝一覺瞓到 8 點   之後諗住繼續瞓   但又好似瞓唔到   咁里奧大人又起身   原來都 9 點幾   咁出去食早餐 lu ~

蘑菇雞絲奄列 + 茄汁焗豆 & 蒜蓉包 ($38) - 細細個嘅時候   每到星期六就會同媽咪家姐食奄列同牛扒早餐   所以真係一個回憶   但依家好少見到有做奄列嘅早餐   所以今朝點都要食   味道一般   但回憶滿滿

沙爹牛肉米線 + 午餐肉炒蛋 & 蒜蓉包 ($40) - 米線份量好少   但見其他食客嘅碗唔係咁㗎喎   大碗好多咁㗎   哈哈哈哈

里奧大人要番公司整嘢   咁我都做陣小清潔   之後我話中午喺屋企食呢 ~

鴨絲蒜蓉包   朝早買咗個蒜蓉包   咁我焗熱啲燒鴨再手撕   最後再加燒汁焗多陣   咁樣唔駛咁乾   里奧大人都幾鍾意食   我就咁食燒鴨肉就夠喇

食完就番屋企做大清潔   搞掂哂就沖涼休息一下 ~

里奧大人 1 點左右番公司做嘢   咁我就睇陣聖經   靜靜哋睇書真係好唔錯呢 ~

差唔多 1 點 45 分就整嘢食   里奧大人 2 點幾先番到屋企   啱啱好可以開餐喇 ~

食完又抖下啦   今晚唔煮喇   同里奧大人 6 點出發去拎 Pizza ~

唔駛煮真係好爽嘅   不過又唔可以成日出去食   呢啲天氣濕濕立立又焗   唔係咁想成日出街咁 ~

沖埋涼就睇 "模範計程車 2"   睇咗 2 集半都瞓覺喇   其實只係 10 點 45 分   但我好眼瞓要瞓喇 ~