鹽酥雞肉燥飯 & 鹽酥魷魚鬚肉燥飯 + 炸雞 + 薯條 (外賣) @ 屋企 ( 8-APR-2023 )

甜不辣大甲芋泥鮮奶 (+$17) - 又係好想飲芋泥嘢   但就沖埋涼先飲   因為飲完真係唔駛食   呢杯嘢好飽肚呢

其實我買咗鹽酥雞肉燥飯 & 鹽酥魷魚鬚肉燥飯   不過將所有炸嘢放哂喺木碟上面   咁唔駛洗咁多嘢   哈哈 

炸雞套餐係有上腿 & 雞胸   里奧大人話要下腿   我話人哋得上腿咋喎   佢其實都唔知上下腿有咩分別   呢下先搞笑   之後又問我點分   我話鬼知咩   你估我真係樣樣都識咩

呢度只係半碗肉燥飯   因為我唔想食飯呀   所以寧願留番聽晚食

( 8-APR-2023  SAT )

今朝瞓到 10 點自然醒   難得假期   所以整芝蛋治烘底喇 ~

我只係用兩隻蛋   之前用 4 隻真係太漏喇

沖埋涼就抖陣   呢兩日搭地鐵只係半價   所以一陣就出去旺角行下 ~

1 點就食 Lunch   食完就出發去花園街喇 ~

香草辣椒海鮮炒飯 ($55) + 涼粉冰 (+$1) - 食剩一半又可以留番   但真係好辣好好食   哈哈

香茅豬扒冬蔭功湯河 ($51) + 椰汁冰 (+$3) - 呢兩次食都好味   感恩感恩

雖然瞓夠同埋出街   但都係有啲攰咁   可能天氣仍然潮濕呢 ~

今次去花園街都係想買 One Piece   不過好耐無行   我記錯店舖位置呀   好在里奧大人記得咋 ~

里奧大人送咗 2 條 1 piece 比我   我自己再買條裙褲   今次都夠皮喇   因為個人真係好攰咁   都唔想再行商場   咁直接去買晚餐就番屋企 lu ~

仍然搭番地鐵啦   不過今日都無咩人搭地鐵   可能出哂去旅行啦 ~

番到屋企就休息下   差唔多 7 點先開餐 ~

食完就開機洗衫   之後沖涼休息喇 ~

睇下電視又睇下 Youtube   今晚 11 點都自己瞓先 lu ~