新檀香山茶餐廳 @ 紅磡 ( 16-SEP-2023 )

肉沬脆哨粉 ($50) - 我只知道係貴陽特色食物咋   不過個湯底唔夠熱   唔係就更好

材料有肉碎同雞   有啲肉好啲嘅   因為里奧大人鍾意食有肉嘅湯粉麵

香蔥小酥肉 ($48) - 呢個新鮮炸起   拎上手都 Feel 到陣熱氣

煎餃 (韭菜) 6 隻 ($28) - 普通啦

手工糍粑 6 件 ($32) - 呢個又係新鮮炸起   外脆內煙韌   連里奧大人都話好味道

( 16-SEP-2023  SAT )

尋晚半夜個肚有啲肚   但又唔想沖熱水涼   應該痛咗個幾鐘就無咩點痛   不過就瞓得唔係咁好啦   所以 7 點 45 分先起身   叫里奧大人買早餐番屋企食 ~

早餐食腿蛋治   我食咗一半都無咩胃口   叫里奧大人食埋去 ~

菇場唔忙啦   得 11 個人番工 ~

個人好攰呀   伏喺張枱度瞓咗半個鐘   好在今日西瓜唔喺度 ~

放工即走   番到屋企同里奧大人一齊食午餐   之後我就要即刻出發去做中秋節探訪喇 ~

海南雞飯

我同自己嘅探訪對象都傾咗半個鐘   之後要趕住去 Partner 嘅探訪對象   但佢居然唔記得今日做探訪   因為佢一陣要出街   咁我哋放低禮物都走 lu ~

我出發前就打比探訪對象   話我嚟緊   佢係開定門等我   但 Partner 嗰個就今朝再 Re-confirm 今日探訪   但都可以唔記得   唉 ~

3 點半左右番到中心   但要等埋其他義工一齊分享   所以最後差唔多 5 點先散會呢 ~

番到屋企都抖陣   之後我都瞓咗半個鐘   每月一到要周圍行係易攰   但感恩今日一切順利   感謝主 ~

6 點幾出發同里奧大人試新嘢   咁行行下以為自己行過龍   但其實改咗舖頭名   因為之前都唔係呢個名嘛   所以我都忍唔住問職員幾時改店名 ?!   佢話今日先改 ~

食完就番屋企   沖埋涼就休息休息 ~

睇陣 Youtube   今晚 10 點都瞓覺 ~