香煎韭菜餅 & 香煎蓮藕餅 (外賣) + 學斗 ( 19-SEP-2023 )

剪開哂一件件就易食好多呢

( 19-SEP-2023  TUE )

里奧大人今日參加公司活動   所以好早起身   因為佢喺屋企食埋早餐先出發   咁到我起身就到佢出門口喇 ~

早餐食斑蘭卷蛋   今朝一定要食卷蛋   咁里奧大人唔駛自己焗熱麵包呢 ~

菇場忙咗陣   之後又做自己嘢了 ~

Lunch Time 出去買菜又行下   行咗半個鐘先買鯪魚球米番菇場   呢幾日無咩點行   所以行到有啲攰添 ~

忙下停下咁都好   唔係成日坐真係比較攰呢 ~

放工即走   番到屋企即預備晚餐 ~

里奧大人 6 點幾番到屋企   不過佢話今日 BBQ 食得好飽   陪我食菜算喇喎 ~

是日晚餐 - 香煎蓮藕餅韭菜餅 & 香煎蓮藕餅 (外賣) + 學斗

香煎蓮藕餅韭菜餅 & 香煎蓮藕餅 (外賣) - 焗熱就搞掂   不過食唔哂要留番聽晚再食 ~

學斗 - 買咗 1 斤但食住半斤先   以前真係可以食 1 斤菜   依家年紀大就唔可以了 ~

洗埋碗就開機洗衫   之後小清潔屋企   搞掂就即沖涼喇 ~

頭先買咗 2 條雪條比里奧大人食   等佢開心下

呢個魷魚片零食都幾好味

份量唔多   同埋食食下有啲辣辣哋   真係估佢唔到呢   哈哈 

今晚睇陣 Youtube   又係 10 點半左右瞓覺 ~