梅菜炒肉碎 + 椰菜炒巴馬火腿肉塊 ( 19-SEP-2024 )

尋晚食剩嘅酸齋同齋叉燒

( 19-SEP-2024  THU )

尋晚瞓得麻麻哋   可能食晚飯嘅時候飲咗支 100 plus 呀   我好多時飲夜晚飲能量   會瞓得唔好   今次都怪自己   哈哈 ~

仍然係 7 點 25 分起身   但我懶床 3 分鐘先起身呀 ~

刷埋牙   見里奧大人 7 點 32 分都未起身   咁肯定佢無校番鬧鐘啦   真係好邪   頭先本來諗住等埋里奧大人鬧鐘響先起身   如果等嘅期間瞓着咗   都唔知瞓到幾點 lu ~

同里奧大人出去食早餐   食完都番工喇   因為趕到班車   呵呵 ~

菇場忙呀   咁就好喇 ~

Lunch Time 都唔出去喇   阿齋見到都話好出奇   我話因為唔駛買菜   同埋依家夜晚去徑步   留番啲腳骨力   哈哈 ~

諗住開工   點知阿齋又同我傾偈   佢話佢朋友同媽咪細佬關係唔好   咁我話真係好難講出嚟點幫佢哋喎   加上我同佢又無試過同家人關係唔好   仲更加唔知點幫 ~

一傾又傾咗成 20 分鐘呀   好在佢坐我後面   可以即時歸位   哈哈 ~ 

仍然忙呀   希望聽日搞掂啦 ~ 

放工即走   里奧大人今晚 5 點半都番到屋企   我就多數手腳快啲煮飯嘅   點知煮完哂啲餸   發覺原來電飯無無按制呀   激鬼死   所以最後要 7 點 15 分先食得呀 ~

是日晚餐 - 梅菜炒肉碎 + 椰菜炒巴馬火腿肉塊

梅菜炒肉碎 - 家姐話買咗 1 斤梅菜比我   我先醒起雪櫃有梅菜   所以就整呢個餸喇 ~

椰菜炒巴馬火腿肉塊 - 有啲鹹肉係好味好多   里奧大人都變咗鍾意食菜   哈哈 ~

洗埋碗都 8 點喇   同里奧大人都即刻出去散步喇   反正食得唔係太飽   想早啲出去 ~

又見到月亮   所以又影下

本身雲層好厚   但徑完步啲雲層就散哂   咁影埋相先走啦

行咗半個鐘   雖然唔係熱   但都係咁出汗   勁爽呀 ~

番到屋企即開機洗衫   之後沖涼休息休息 ~

睇下 Youtube   今晚 10 點 20 分都開始眼瞓   所以即瞓覺喇 ~