意樂餐廳 @ 紅磡 ( 9-SEP-2024 )

慢煮秘制咖哩焗牛腩配珍珠米 ($72) - 估唔到辣辣哋   我覺得好味呀

鐵板芝士盛會 (豬扒 + 雞扒 + 脆皮芝士腸 + 煙肉) ($95) - 食剩半份葡燒汁炒珍珠飯   同埋食剩啲肉   所以要打包喇

呢個紅湯好味道呀   最鍾意啲蔬菜同薯仔切到細細粒

( 9-SEP-2024  MON )

感恩一覺瞓天光呀   星期一精神啲好   哈哈 ~

早餐食芝士條拚朱古力捧捧   但只食咗芝士條   咁朱古力捧捧就留番中午食算喇 ~

我同家姐講   佢又食鴛鴦色包

食完就靈修 20 分鐘   之後番工喇 ~

菇場忙呀   搞掂又忙下停下咁 ~   

阿怪 9 點 32 分番到嚟   仲食燒賣早餐   成公司都聞到陣燒賣味呀   係人都知妳遲到啦 ~

Lunch Time 無出去呀   因為今晚要出街   唔想行到成身汗 ~

依家 12 點幾先食飯   我覺得係正常時間呀   所以依家鍾意帶飯呢 ~

里奧大人問膠袋裝住啲咩 ?!   我話今朝食剩嘅麵包呀   唔係以為咩喎   哈哈

我叫里奧大人飲支川貝雪梨   佢影咗支油柑汁   嚇到我即打比佢   叫佢唔好飲   之後話我將標籤放喺底   如果放喺面就會見到   我咪話囉   你做賊就永遠偷唔到貴重嘢   因為貴重嘢唔會比你見到   佢即刻話佢唔會做賊   做賊就留番妳做得喇   其實真係九唔搭八   所以笑完又咳到我死死下 

忙到 3 點幾   諗住抖下   但之後仲忙   又要做 Report   好在放工前搞掂 ~

今晚同里奧大人去搞啲嘢   搞掂就去食晚餐 ~

食食下飯同里奧大人講話要遲啲要去九龍灣拎鞋   里奧大人好驚訝話九龍灣 ?!   但其實係去黃埔先啱   不過我今日真係諗緊幾時先去九龍灣拎鞋囉   呢排真係無咩記性   唔係記錯就講錯 ~

食完就番屋企   開埋機洗衫就即沖涼喇 ~

里奧大人就熨衫當做運動   咁我就當然睇 Youtube 啦 ~

家姐喺群組問手機咩型號 ?!   因為大媽要送個福寶手機套比佢   真係好搞笑啦   家姐係都話唔要   佢係都要買比家姐   雖然我都好鍾意福寶   但我唔會買埋福寶嘅嘢比家姐囉   哈哈 ~   

今晚 10 點半瞓覺   我覺得係我正常時間瞓覺呢 ~