蕃茄肉碎扁意粉 ( 20-SEP-2024 )

( 20-SEP-2024  FRI )

感恩一覺瞓天光呀   呢排真係好難得咁呢 ~

早餐我就食原味餐包   里奧大人就食麥包搽花生醬同柚子醬喇 ~

食完去里奧大人公司坐下   之後靈俢 15 分鐘就番工 lu ~

菇場忙呀   仲要快手快腳做 ~

Lunch Time 出去買千層吐司比家姐   之後再去買車厘茄   最後去埋 759 買零食就番菇場喇 ~

依家有 Lunch Box 真係唔錯   因為有時夜晚食唔落咁多餸   真係格硬比哂里奧大人   咁依家我帶飯就可以比我   雙贏呀 ~

仍然忙呀   但家姐 Whatsapp 叫我得閒打比佢   原來問要唔要荷葉飯 ?!   答完之後又傾下其他   傾咗 15 分鐘   咁都好呀   我都想飲杯水抖下   哈哈 ~

之後到里奧大人 Whatsapp 問我放工經唔經過涼茶舖 ?!   如果經過就買支雞骨草比佢   真係好搞笑囉   中午經過嘅時候想買   但醒起里奧大人要飲中藥就唔買   但佢居然叫我買   咁証明佢係好想飲啦   所以就算遠都會買㗎啦 ~

阿虫 5 點 10 分比嘢我   叫我今晚比佢   其實無問題   但係佢越講越亂   搞到我都亂咗   唔係就唔駛咁耐囉   浪費哂我啲時間   所以做到 6 點 10 分先走呀 ~

里奧大人又早咗放工   Whatsapp 問我今晚食咩 ?!   不過我都唔得閒睇手機   之後 6 點再打比我   以為我差唔多番到屋企   我話仲喺公司呀   佢都好愕然  哈哈 ~

買埋雞骨草就搭車番屋企   感恩好快有車 ~

番到屋企就煮意粉   因為大家又唔餓   唔想出去食 ~

是日晚餐 - 蕃茄肉碎扁意粉

蕃茄肉碎扁意粉 - 屋企有蕃茄醬料包   最耐反而係煮意粉   哈哈   今晚急得滯   想上碟嘅時候先發覺無加肉碎呀   好在比我發現到咋   唔係食緊先知無肉碎就搞笑咯 ~

洗埋碗就同里奧大人出去行公園半個鐘   難得無落雨 ~

番到屋企即沖涼休息   睇陣 Youtube   今晚 10 點半都瞓覺喇 ~