番到屋企一路煲藥一路 "灘" 喺梳化睇報紙一路等里奧大人電話...終於里奧大人打電話黎話 8 點可以番到屋企喇
一心諗住去食雲南粉麵...d 粉煙煙韌韌...個湯底又酸酸辣辣好鬼正...但美中不足係好小選擇...其實我之前食親都會話遲早執...其一地方幾隔涉...其二太小選擇...食幾次已經可以食完餐牌上嘅嘢...又無變化...唔執先奇!!本來我想放工睇下有無執到先去食...但個人太攰無去睇...點知真係執咗
已經變咗一間環境昏暗嘅餐廳喇...昏暗 feel 啱哂我...又有二人餐...里奧大人又話黎到就試下囉...所以盡地一試
一入到去就坐正個電視位...正...之後 order 二人餐...餐湯 (甘筍忌廉湯兩客) + 串燒牛 / 雞肉 (6串) + 三文魚 pizza + 肉醬千層麵 + cheese cake (1件) +餐飲 (2杯)...埋單 $110...真係好抵...因為係飽到食唔哂...不過下次唔會再去食...因為 d 嘢食好鹹...唔多掂
今朝 6 點 9 起身喇...要北上睇中醫呀...又涷又攰...真係難為了家嫂
8 點去到仲未開門...好驚呀...唔好嚇我呀...好在等咗10 分鐘就有人開門...又係做第一...所以連埋執藥 9 點 9 就走得...公司依家係一個月一日 sat day off...今次係請假...下個星期就到我 day off...來想再下個 sat 請假黎睇...但一個月連續三個 sat 唔見人唔係咁好...所以唯有月尾 sat 再睇...所以又要執 20 劑藥...埋單又要 $2700...真係好貴...所以我真係要好好錫身體...唔好再食咁多煎...炸...辣...海鮮...如果唔係真係賣身都唔掂呀...仲要比里奧大人哦 c 添呀
之後打的去丹桂軒飲茶...食咗皮旦瘦肉粥 + 風味油條腸粉 + 竹笙上素餃 + 潮州粉果 + 雞汁鮮竹卷 + 蒜蓉蒸排骨...埋單 $122...真係又抵又好味呀...今次仲用手機影相...又無人話我噃...可能係我動作唔大啦...我估
沒有留言:
發佈留言