感恩晚餐 @ 日月星快餐廳 + 煎釀三寶

尋日太好喇...因為放 4 點...所以我可以同媽咪同朱朱下午茶...食咗油占多 ($4)...好味到爆呀....之後上媽咪屋企抖下...抖到 6 點半就出發同里奧大人...ivy...jack 食晚飯喇
晚餐係日月星快餐店外賣自取到 ivy 屋企食 ....有上海粗炒 + 干炒牛河 + 楊洲炒飯 + 4 隻五香雞亦...由於太想食煎釀三寶...所以再買 $20 嘅魚旦 + 豆腐 + 青椒...又係好味到爆呀...但樣樣都係食剩一半...真係 sai 哂
我覺得同 ivy 好有緣...所以我成日同里奧大人講 ivy 係我契姐...因為我同佢傾計係好舒服...好自然...去到佢地屋企 d 感覺又係好 relax...基本上我去人家屋企係有小小拘謹...但去到 ivy 屋企就好似去咗親人屋企咁...好 warm 好 relex
9點幾就去教會參加感恩聚會 + 倒數...聽到弟兄姊妹嘅感恩見証...神真係好保守憐憫每一個人...包括我再內...我今年都得到好多神嘅恩典...真的要感謝神
倒數完就要走喇...因為要趕搭尾班車...一路等車真係涷到震呀...內置羽絨都發揮唔到功效...慘慘慘
番到屋企沖埋涼已經 2 點...好眼瞓啊 
                       
今朝 11 點先起身...已經唔可以出街食早餐喇...所以我煮咗里奧大人最喜歡嘅丁丁...再加杯  mocha 咖啡...撇除洗碗...簡直係人生最大享受呀

見咁好太陽...所以即刻洗衫 + 曬鞋 + 拖地...真係爽到不得了呀
乾燥真係好慘...搞到我塊臉爆拆...痛到不得了...不過紅卜卜又幾鬼靚嘅...hahaha
由於太晏食早餐...所以 3 點幾先食晏...又係去極之好食車仔麵...我又係食豆卜 + 豬腸 + 時菜 + 粗麵...里奧大人又係牛腩 + 牛丸 + 時菜 + 油麵...再加碗仔翅同豆漿...$44...好飽呀...之後去街市買番石榴 $6 + 紅衫魚 $11 + 節瓜 $5 + 鯪魚肉 $5 就番屋企 lu