青紅蘿蔔豬骨粟米栗子湯 + 生麵

番到屋企附近就即刻去超市買西施骨 ($35)...但原來係好多肉無咩骨嘅...咁之得買豬筒骨啦....激c
里奧大人休息一陣就要番學 lu...所以大家都係食麵包做 lunch...里奧大人要坐車食...而我就好d...可以喺屋企慢慢食...送完里奧大人就去街市買湯料...又係煲 d 紅蘿蔔清潤湯...所以買咗 2 條紅蘿蔔 + 1 條青蘿蔔 + 3 條粟米 + 半磅栗子 ($23)...之後就番屋企喇
一路睇報紙一路咬包 (芝士條 + 墨西哥包)....好飽啊...之後就即刻熨衫 + 執屋...就黎新年喇....所以就要開始陰 d 陰 d 咁執屋...如果一次過做哂..肯定做到我過唔到年呀
本來 plan 好 d 時間..可以他他條條咁用...但突然間 d 兒生女 3 姐弟上我屋企放低嘢...坐低傾下計又用咗成 45 分鐘...所以佢地走咗之後我要即刻預備湯...又要煲菊花茶比里奧大人清熱氣...好趕啊
好在里奧大人5 點幾番到屋企...可以幫我煲中藥...因為我其實都好攰下...因為太早起身喇
懶人晚餐 : 青紅蘿蔔豬骨粟米栗子湯 + 生麵
實在太想飲湯...實在唔想出街食...所以求其湯渣做餸...再加多個生麵就算喇
                     
今朝 10 點起身...所以同里奧大人梳洗後就去教會附近食早餐...share 食火腿通粉拚餐肉芝士腸 + 熱檸蜜...醬占多 + 熱 horlick...($42)...番到教會聽道嘅時候越坐越涷...諗住天氣唔涷無着厚褸...點知

崇拜後同里奧大人又去熟食中心食 lunch...食咗炸兩 + 炒米粉 + 排骨飯 + 燒賣 + 涷珍珠奶茶 + 熱胚牙珍珠奶茶 ($52)...食到好飽好飽好飽...所以順便行埋街市買 1 斤芥蘭 + 3 個蕃茄 ($16)...之後再行精品店...又買咗 spoon + fork + 家庭用品...好開心呀...因為實在太想行街...之後行路番屋企 lu...番到屋企成 4 點...其實都行咗好耐下...搞到里奧大人又要趕快做功課添....

我仲衰...番到屋企個頭有 d 頭痛...可能頭先涷一涷再加埋飲涷嘢...里奧大人話瞓番半個鐘差好遠喎...係都要我瞓...我當然唔瞓啦...驚一陣瞓多咗夜晚會失眠架