又未肚餓...又要諗定食咩...都幾懊惱下
真係諗唔到食 mood...所以就去街市買定 3 條粟米 ($6)...再諗下食 mood 好...比我諗到放咗喺雪柜千年嘅灌湯包...所以是日晚餐係 灌湯包 + 粟米 + 米粉...
呢餐真係易煮到不得了呀
里奧大人終於完成功課喇...所以可以好 relax 睇 dvd...如果唔睇就無得睇架喇...因為下星期里奧大人又要開始番學做功課喇
睇到 12 點...超眼瞓
又係 10 點起身...又係要趕頭趕命打的去教會附近食早餐...又係去茶餐廳...食丁麵拚芝士腸太陽旦配華田 + 占醬多 ($27)...呢餐一定要係飽與唔飽之間...因為要留肚...喺祟拜後食其他嘢
祟拜後就去熟食中心食馳名魚旦河...魚旦魚片魚皮都好好食...但個湯底就差咗 d...無味嘅...之後再加多杯涷珍珠奶茶同可樂...再驚死唔飽..整多個炸兩...終於令到我食唔哂 d 粉...哈哈哈...晏晝用 $58 食到咁飽...真係好滿足
之後同里奧大人喺街市買埋芥蘭 ($8) + 豬展 ($20) + 腩排 ($10) 就歸家喇
沒有留言:
發佈留言