家常便飯 @ 媽咪屋企

里奧大人要北上開會...本來要過夜...但第二朝要見客所以唔駛過夜 lu...九點幾開完會就可以番香港...但我好早同媽咪講咗會喺媽咪屋企食飯瞓覺同食早餐...所以我都無番到屋企...照喺媽咪屋企度瞓 lu...
尋晚放工要幫媽咪去九龍城 "么鳳" 買啫喱糖同瓜子...難得出九龍城...所以都要買番 d 嘢比自己....瓜子要 $72 / 斤....我唔識睇靚唔靚....所以無買到....就咁買咗啫喱糖 + 芋蝦 + 旦散 + 日式米通 + 甜合桃 + 開心果 + 黑豆 + 雪花梅 + 正冬薑 + 甘草檸檬...埋單 $340...我覺得有 d 食物都幾貴...有 d 就好在可以買一兩試下...好食先再買...之後就行去搭車番媽咪屋企食飯喇....

去到媽咪屋企仲未開飯...家姐又肚餓...所以急不及待開包旦散試下...唔係賣廣告...真係好食到不得了...又脆又香南乳味...$20 一包絕對係物超所值...同埋我覺得好似無薯片咁熱氣...但一路食媽咪一路 ee 哦哦...話會食到好滯同食唔到飯喎...
尋晚有花膠魚唇清保涼豬展湯 + 芹菜蝦乾炆白蘿蔔 + 蒜蓉蝦乾炒椰菜 + 一雞兩味 (蠔油花膠魚唇炆雞 + 白切雞) + 煎九肚魚...唉...我飲中藥食唔到白蘿蔔...我又唔鍾意食九肚魚...滑 lu lu 咁好核突...所以又係食雞...帶飯又係雞...之前我仲好有 mood 想煮番餐雞亦...依家唔喇...
食完飯就一齊食生果...睇電視...傾計...好開心呀....我發覺結婚之後加上人年紀越黎越大...就想好成日見到媽咪...家姐同朱朱...又可以咩都傾一餐...又唔駛就住就住...所以次次去親媽咪屋企食飯我就最開心...咩悶氣怨氣都可以比我散下...等我舒服 d... 
家姐同工人九點幾就番屋企 lu...之後我攬住朱朱同媽咪一齊睇電視...very 爽呀!!誓估唔到 "秀才愛上兵" 又幾好笑噃...尋晚馬俊偉做得好搞笑...笑到我 c...如果之後都係咁搞笑就好喇...瞓都瞓得好 d 啦...
睇完電視又睇埋報紙就瞓喇...
                       
尋晚瞓到半夜比隻貓貓 "meow" 咗一聲...嚇到我c...朱朱吠就聽得多...慣哂...但突然聽到 "meow" 真係嚇到心臟病...妳知貓貓果下 "meow" 係好長...唔似狗咁 "wow" 一聲好快咁家嘛...所以真係幾嚇人...講下隻貓貓身細先...佢係街貓黎嘅...媽咪已經餵咗貓貓四年...之前趺咗落坑渠...由 spca 用咗 3 日 3 夜救番佢出黎嘅...spca 仲幫貓貓消毒...提供貓沙同貓籠...所以媽咪就將隻貓貓暫時寄居喺屋企...因為始終係街貓...長期困住喺籠可能唔開心同唔習慣...但屋企又有朱朱...一狗一貓驚打交呀...貓貓 4 歲...朱朱 14 歲...實比貓貓蝦啦...所以媽咪依家都唔知點好...又想養又想放...今勻真係母親的抉擇呀!!

今朝早 d 起身同媽咪...家姐...朱朱去餐廳食早餐...食火腿絲麵 + 奶油多 + 熱啡...媽咪同家姐又係食麵餐...very 搞笑...好似無其他嘢食咁...我覺得有屋企人陪食早餐嘅 morning 先係 good morning...所以今朝我係非常非常之開心開心...
晏晝雖然係帶飯...但今次食得非常之開心...

同事 3b 有帶飯...但就成日用放喺公司嘅木筷子...我話咁唔環保架...佢就話唔想洗嘛...之後我忍唔住話妳個飯盒都要洗啦...之後就一齊走開喇!!一 d 環保意識都無...都唔知有無搞錯...