無可奈何去元綠壽司

尋日好...無咩精神...唔想煮飯....見早前 blog 友傻媽...MuiMuimui...鬼妹紅紅不約而同食日本菜....搞到我都好想食日本菜....為好嘅一間好多人等位...新開果一間壽司店又要等 6 張枱...食飯時間實係有排等...所以最後同里奧大人都係去番元綠壽司...我好想食魚生飯呀!!

同里奧大人都好攰...所以食得唔多...只係食咗三文魚手卷 + 冷辣辣麵 + 天婦羅蟹柳 / 天婦羅軟殼蟹 / 北海道帆立貝壽司 + 元綠燒雞 pizza...埋單 $94 咋...由於元綠對面啱啱開咗間壽司店...而食滿 $100 送碟海膽...個個都湧哂去....我都想去食架...但等幾張枱先放棄咋...不過有競爭先有進步...元綠 d 效率快到丫...真係想叫唔好咁快添呀...有利亦有弊....就係迴轉 bar 無咩新鮮整出黎...來來去去都係果幾碟...以前係成條 bar 都係...依家只係零碎幾碟係咁轉...見到都唔開胃....但又唔怪得佢噃....因為好多人已經過檔嘛....最搞笑係去元綠食咁耐....走嘅時候居然見成條迴轉 bar 枱 (約15-18人) 係無人坐架...當時係 8 點幾咋...如果以後都係咁就慘喇!!
番到屋企要拿拿聲沖涼同 upload 相...因為趕住睇 "秀才愛上兵 "...因為劇情仲未發展到感情線...所以先好睇...一旦講到感情線我就唔會追架喇...無線拍所有戲嘅感情線 (不論古裝同時裝) 都係一樣...悶到爆...估到哂嘅...所以唔好睇!!

下面嘅梘液樽係送比家姐嘅....佢超級鍾意....所以我超開心 !!!!

一唧梘液就會開眼同舉高手架!!

尋晚覺得自己痴痴地...明明睇完套劇 (10:30) 已經好眼瞓...但唔知點解無意識番房瞓喎...係咁坐喺廳到聽電視聽到 11 點先冷去瞓....痴線!!
                       
今朝市區落咗雨...氣溫得 14 度咋...新界仲要再低...我又唔記得星期尾會涷無着褸...一出大堂門口已經涷到想 c...之後一路等車 d 風一路吹埋黎...里奧大人又見客...得我一個人等車...無人幫我擋風呀....好在有免費報紙派...可以 "灘" 開份報紙擋風咋!!
今朝食芝腿菠蘿包 + 涷啡 ($15)...食完精神爽利!!
晏晝出去食紫菜三寶米 ($18)...三寶係菜肉餃 + 雲吞 + 水餃...我仲以為係魚皮餃同兩款丸添...激 c...
d 色咁柔和...有無睇到好眼瞓呀